ブッダ金の葉

sn1.31『善人経』Sabbhisuttaṃ

Evaṃ me sutaṃ .	私はこのように聞いた。
ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme.	ある時、世尊はサーヴァッティーのジェータ林のアナータピンディカ僧園に住されていた。
Atha kho sambahulā satullapakāyikā devatāyo abhikkantāya rattiyā abhikkantavaṇṇā kevalakappaṃ jetavanaṃ obhāsetvā yena bhagavā tenupasaṅkamiṃsu;	さて夜も更けたころ、容姿うるわしい多くのサトゥッラパ衆の神霊がジェータ林を全面に照らして、世尊のもとに近づいた。
upasaṅkamitvā bhagavantaṃ abhivādetvā ekamantaṃ aṭṭhaṃsu.	近づくと世尊に礼拝して一隅に立った。
Ekamantaṃ ṭhitā kho ekā devatā bhagavato santike imaṃ gāthaṃ abhāsi .	一隅に立ったある神霊は、世尊のもとでこの偈を語った。
‘‘Sabbhireva samāsetha, sabbhi kubbetha [krubbetha (ka.)] santhavaṃ;	「善人と親しむべし　善人と親交をなすべし
Sataṃ saddhammamaññāya, seyyo hoti na pāpiyo’’ti.	善人の正法を了知すると　より良くなりより悪くならない」と。
Atha kho aparā devatā bhagavato santike imaṃ gāthaṃ abhāsi .	また次の神霊は、世尊のもとでこの偈を語った。
‘‘Sabbhireva samāsetha, sabbhi kubbetha santhavaṃ;	「善人と親しむべし　善人と親交をなすべし
Sataṃ saddhammamaññāya, paññā labbhati [paññaṃ labhati (syā. kaṃ.)] nāññato’’ti.	善人の正法を了知すると　他にない智慧が得られる」と。
Atha kho aparā devatā bhagavato santike imaṃ gāthaṃ abhāsi .	そして次の神霊は、世尊のもとでこの偈を語った。
‘‘Sabbhireva samāsetha, sabbhi kubbetha santhavaṃ;	「善人と親しむべし　善人と親交をなすべし
Sataṃ saddhammamaññāya, sokamajjhe na socatī’’ti.	善人の正法を了知すると　悲しみの中で悲しまない」と。
Atha kho aparā devatā bhagavato santike imaṃ gāthaṃ abhāsi .	そして次の神霊は、世尊のもとでこの偈を語った。
‘‘Sabbhireva samāsetha, sabbhi kubbetha santhavaṃ;	「善人と親しむべし　善人と親交をなすべし
Sataṃ saddhammamaññāya, ñātimajjhe virocatī’’ti.	善人の正法を了知すると　親族の中で光り輝く」と。
Atha kho aparā devatā bhagavato santike imaṃ gāthaṃ abhāsi .	そして次の神霊は、世尊のもとでこの偈を語った。
‘‘Sabbhireva samāsetha, sabbhi kubbetha santhavaṃ;	「善人と親しむべし　善人と親交をなすべし
Sataṃ saddhammamaññāya, sattā gacchanti suggati’’nti.	善人の正法を了知すると　衆生は善趣に行く」と。
Atha kho aparā devatā bhagavato santike imaṃ gāthaṃ abhāsi .	そして次の神霊は、世尊のもとでこの偈を語った。
‘‘Sabbhireva samāsetha, sabbhi kubbetha santhavaṃ;	「善人と親しむべし　善人と親交をなすべし
Sataṃ saddhammamaññāya, sattā tiṭṭhanti sātata’’nti.	善人の正法を了知すると　衆生は気持ちよくとどまる」と。
Atha kho aparā devatā bhagavantaṃ etadavoca .	また次の神霊は、世尊にこう言った。
‘‘kassa nu kho, bhagavā, subhāsita’’nti?	「世尊よ、いったい誰の（偈が）善く語られましたか？」
Sabbāsaṃ vo subhāsitaṃ pariyāyena, api ca mamapi suṇātha .	「君たちすべての（偈）が理により善く語られた。しかし私の（偈）も聞きなさい。
‘‘Sabbhireva samāsetha, sabbhi kubbetha santhavaṃ;	善人と親しむべし　善人と親交をなすべし
Sataṃ saddhammamaññāya, sabbadukkhā pamuccatī’’ti.	善人の正法を了知すると　すべての苦より解放される」と。
Idamavoca bhagavā.	世尊はこう言われた。
Attamanā tā devatāyo bhagavantaṃ abhivādetvā padakkhiṇaṃ katvā tatthevantaradhāyiṃsūti.	意に適ったその神霊たちは、世尊に礼拝し、右回りの礼をしてそこで消え失せた。