ブッダ金の葉

sn38.13『有問経』Bhavapañhāsuttaṃ

‘‘‘Bhavo, bhavo’ti, āvuso sāriputta, vuccati.	「友サーリプッタよ、『有、有』と言われます。
Katamo nu kho, āvuso, bhavo’’ti?	友よ、いったい何が有ですか？」と。
‘‘Tayo me, āvuso, bhavā.	「友よ、これら三種の有、
Kāmabhavo, rūpabhavo, arūpabhavo –	欲有、色有、無色有。
ime kho, āvuso, tayo bhavā’’ti.	友よ、これらが三種の有です」と。
‘‘Atthi panāvuso, maggo atthi paṭipadā, etesaṃ bhavānaṃ pariññāyā’’ti?	「では友よ、その有の遍知のための道はありますか、行道はありますか？」と。
‘‘Atthi kho, āvuso, maggo atthi paṭipadā, etesaṃ bhavānaṃ pariññāyā’’ti.	「友よ、その有の遍知のための道はあります、行道はあります」と。
‘‘Katamo, panāvuso, maggo katamā paṭipadā, etesaṃ bhavānaṃ pariññāyā’’ti?	「では友よ、その有の遍知のための道とは何ですか、行道とは何ですか？」と。
‘‘Ayameva kho, āvuso, ariyo aṭṭhaṅgiko maggo, etesaṃ bhavānaṃ pariññāya, seyyathidaṃ –	「友よ、まさにこの八支聖道こそ、その有の遍知のためのものです。すなわち、
sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi.	正見、正思惟、正語、正業、正命、正精進、正念、正定です。
Ayaṃ kho, āvuso, maggo ayaṃ paṭipadā, etesaṃ bhavānaṃ pariññāyā’’ti.	友よ、これがその有の遍知のための道であり、これが行道です」と。
‘‘Bhaddako, āvuso, maggo bhaddikā paṭipadā, etesaṃ bhavānaṃ pariññāya.	「友よ、その有の遍知のための道は幸運であり、行道は幸運です。
Alañca panāvuso sāriputta, appamādāyā’’ti.	そしてまた友サーリプッタよ、不放逸に値します」と。