sn35.84
sn35.84『壊敗法経』Palokadhammasuttaṃ
| Sāvatthinidānaṃ. | サーヴァッティーにちなむ話。 |
| Atha kho āyasmā ānando yena bhagavā tenupasaṅkami…pe… | さてアーナンダ尊者は世尊のもとに近づいた。 …中略… |
| ekamantaṃ nisinno kho āyasmā ānando bhagavantaṃ etadavoca . | 一隅に座ったアーナンダ尊者は、世尊にこう言った。 |
| ‘‘‘Loko, loko’ti, bhante, vuccati. | 「尊者よ、『世間、世間』と言われます。 |
| Kittāvatā nu kho, bhante, lokoti vuccatī’’ti? | 尊者よ、いったい何をもって世間と呼ばれますか？」と。 |
| ‘‘Yaṃ kho, ānanda, palokadhammaṃ, ayaṃ vuccati ariyassa vinaye loko. | 「アーナンダよ、壊敗(paloka)法であるもの。聖者の律では、これが世間(loka)と呼ばれます。 |
| Kiñca, ānanda, palokadhammaṃ? | それではアーナンダよ、何が壊敗法なのか？ |
| Cakkhu kho, ānanda, palokadhammaṃ, rūpā palokadhammā, cakkhuviññāṇaṃ palokadhammaṃ, cakkhusamphasso palokadhammo, yampidaṃ cakkhusamphassapaccayā…pe… | アーナンダよ、眼は壊敗法であり、諸色は壊敗法であり、眼識は壊敗法であり、眼触は壊敗法であり、この眼触に縁りて …中略… |
| tampi palokadhammaṃ…pe… | それも壊敗法であり、 …中略… |
| jivhā palokadhammā, rasā palokadhammā, jivhāviññāṇaṃ palokadhammaṃ, jivhāsamphasso palokadhammo, yampidaṃ jivhāsamphassapaccayā…pe… | 舌は壊敗法であり、諸味は壊敗法であり、舌識は壊敗法であり、舌触は壊敗法であり、この舌触に縁りて …中略… |
| tampi palokadhammaṃ…pe… | それも壊敗法であり、 …中略… |
| mano palokadhammo, dhammā palokadhammā, manoviññāṇaṃ palokadhammaṃ, manosamphasso palokadhammo, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi palokadhammaṃ. | 意は壊敗法であり、諸法は壊敗法であり、意識は壊敗法であり、意触は壊敗法であり、この意触に縁りて生じ、感受される楽や苦や不苦不楽、それも壊敗法です。 |
| Yaṃ kho, ānanda, palokadhammaṃ, ayaṃ vuccati ariyassa vinaye loko’’ti. | アーナンダよ、壊敗(paloka)法であるもの。聖者の律では、これが世間(loka)と呼ばれます」と。 |
1)
sn35.82参照。
sn35.84.txt · 最終更新: by h1roemon