ブッダ金の葉

sn22.126『集起法経』Samudayadhammasuttaṃ

Sāvatthinidānaṃ.	サーヴァッティーにちなむ話。
Atha kho aññataro bhikkhu yena bhagavā tenupasaṅkami;	さて、ある比丘が世尊のもとに近づいた。
upasaṅkamitvā…pe…	近づくと　…中略…
ekamantaṃ nisinno kho so bhikkhu bhagavantaṃ etadavoca .	一隅に座ったその比丘は、世尊にこう言った。
‘‘‘avijjā avijjā’ti, bhante, vuccati.	「尊者よ、『無明、無明』と言われます。
Katamā nu kho, bhante, avijjā, kittāvatā ca avijjāgato hotī’’ti?	尊者よ、いったい何が無明ですか、そして何をもって無明に至った者ですか？」と。
‘‘Idha, bhikkhu, assutavā puthujjano samudayadhammaṃ rūpaṃ ‘samudayadhammaṃ rūpa’nti yathābhūtaṃ nappajānāti;	「比丘よ、ここに無聞の凡夫は集起法なる色を『集起法なる色』と如実に了知せず、
vayadhammaṃ rūpaṃ ‘vayadhammaṃ rūpa’nti yathābhūtaṃ nappajānāti;	衰滅法なる色を『衰滅法なる色』と如実に了知せず、
samudayavayadhammaṃ rūpaṃ ‘samudayavayadhammaṃ rūpa’nti yathābhūtaṃ nappajānāti.	集起・衰滅法なる色を『集起・衰滅法なる色』と如実に了知しません。
Samudayadhammaṃ vedanaṃ ‘samudayadhammā vedanā’ti yathābhūtaṃ nappajānāti;	集起法なる受を『集起法なる受』と如実に了知せず、
vayadhammaṃ vedanaṃ ‘vayadhammā vedanā’ti yathābhūtaṃ nappajānāti;	衰滅法なる受を『衰滅法なる受』と如実に了知せず、
samudayavayadhammaṃ vedanaṃ ‘samudayavayadhammā vedanā’ti yathābhūtaṃ nappajānāti.	集起・衰滅法なる受を『集起・衰滅法なる受』と如実に了知しません。
Samudayadhammaṃ saññaṃ…pe…	集起法なる想を　…中略…
samudayadhamme saṅkhāre ‘samudayadhammā saṅkhārā’ti yathābhūtaṃ nappajānāti;	集起法なる行を『集起法なる行』と如実に了知せず、
vayadhamme saṅkhāre ‘vayadhammā saṅkhārā’ti yathābhūtaṃ nappajānāti;	衰滅法なる行を『衰滅法なる行』と如実に了知せず、
samudayavayadhamme saṅkhāre ‘samudayavayadhammā saṅkhārā’ti yathābhūtaṃ nappajānāti.	集起・衰滅法なる行を『集起・衰滅法なる行』と如実に了知しません。
Samudayadhammaṃ viññāṇaṃ ‘samudayadhammaṃ viññāṇa’nti yathābhūtaṃ nappajānāti;	集起法なる識を『集起法なる識』と如実に了知せず、
vayadhammaṃ viññāṇaṃ ‘vayadhammaṃ viññāṇa’nti yathābhūtaṃ nappajānāti;	衰滅法なる識を『衰滅法なる識』と如実に了知せず、
samudayavayadhammaṃ viññāṇaṃ ‘samudayavayadhammaṃ viññāṇa’nti yathābhūtaṃ nappajānāti.	集起・衰滅法なる識を『集起・衰滅法なる識』と如実に了知しません。
Ayaṃ vuccati, bhikkhu, avijjā;	比丘よ、これが無明と呼ばれます。
ettāvatā ca avijjāgato hotī’’ti.	そしてこれをもって無明に至った者です」と。
Evaṃ vutte, so bhikkhu bhagavantaṃ etadavoca .	このように説かれたとき、その比丘は世尊にこう言った。
‘‘‘vijjā vijjā’ti, bhante, vuccati.	「尊者よ、『明、明』と言われます。
Katamā nu kho, bhante, vijjā, kittāvatā ca vijjāgato hotī’’ti?	尊者よ、いったい何が明ですか、そして何をもって明に至った者ですか？」と。
‘‘Idha, bhikkhu, sutavā ariyasāvako samudayadhammaṃ rūpaṃ ‘samudayadhammaṃ rūpa’nti yathābhūtaṃ pajānāti;	「比丘よ、ここに既聞の聖弟子は集起法なる色を『集起法なる色』と如実に了知し、
vayadhammaṃ rūpaṃ ‘vayadhammaṃ rūpa’nti yathābhūtaṃ pajānāti;	衰滅法なる色を『衰滅法なる色』と如実に了知し、
samudayavayadhammaṃ rūpaṃ ‘samudayavayadhammaṃ rūpa’nti yathābhūtaṃ pajānāti.	集起・衰滅法なる色を『集起・衰滅法なる色』と如実に了知します。
Samudayadhammaṃ vedanaṃ ‘samudayadhammā vedanā’ti yathābhūtaṃ pajānāti;	集起法なる受を『集起法なる受』と如実に了知し、
vayadhammaṃ vedanaṃ ‘vayadhammā vedanā’ti yathābhūtaṃ pajānāti;	衰滅法なる受を『衰滅法なる受』と如実に了知し、
samudayavayadhammaṃ vedanaṃ ‘samudayavayadhammā vedanā’ti yathābhūtaṃ pajānāti.	集起・衰滅法なる受を『集起・衰滅法なる受』と如実に了知します。
Samudayadhammaṃ saññaṃ…	集起法なる想を　…
samudayadhamme saṅkhāre ‘samudayadhammā saṅkhārā’ti yathābhūtaṃ pajānāti;	集起法なる行を『集起法なる行』と如実に了知し、
vayadhamme saṅkhāre ‘vayadhammā saṅkhārā’ti yathābhūtaṃ pajānāti;	衰滅法なる行を『衰滅法なる行』と如実に了知し、
samudayavayadhamme saṅkhāre ‘samudayavayadhammā saṅkhārā’ti yathābhūtaṃ pajānāti.	集起・衰滅法なる行を『集起・衰滅法なる行』と如実に了知します。
Samudayadhammaṃ viññāṇaṃ ‘samudayadhammaṃ viññāṇa’nti yathābhūtaṃ pajānāti;	集起法なる識を『集起法なる識』と如実に了知し、
vayadhammaṃ viññāṇaṃ ‘vayadhammaṃ viññāṇa’nti yathābhūtaṃ pajānāti;	衰滅法なる識を『衰滅法なる識』と如実に了知し、
samudayavayadhammaṃ viññāṇaṃ ‘samudayavayadhammaṃ viññāṇa’nti yathābhūtaṃ pajānāti.	集起・衰滅法なる識を『集起・衰滅法なる識』と如実に了知します。
Ayaṃ vuccati, bhikkhu, vijjā;	比丘よ、これが明と呼ばれます。
ettāvatā ca vijjāgato hotī’’ti.	そしてこれをもって明に至った者です」と。