ブッダ金の葉

文書の過去の版を表示しています。

sn22.159『阿難陀経』Ānandasuttaṃ

Sāvatthinidānaṃ.	サーヴァッティーにちなむ話。
Atha kho āyasmā ānando yena bhagavā tenupasaṅkami;	さてアーナンダ尊者は世尊のもとに近づいた。
upasaṅkamitvā…pe…	近づくと　…中略…
bhagavantaṃ etadavoca .	世尊にこう言った。
‘‘sādhu me, bhante, bhagavā saṃkhittena dhammaṃ desetu, yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti.	「どうか尊者よ、世尊は私に簡略な法を示して下さい。私が世尊のその法を聞いてひとり引き離れ、不放逸に熱心に自ら勤め住せるように」と。
‘‘Taṃ kiṃ maññasi, ānanda, rūpaṃ niccaṃ vā aniccaṃ vā’’ti?	「アーナンダよ、これをどう思いますか。色は常住ですか、無常ですか？」と。
‘‘Aniccaṃ, bhante’’.	「無常です、尊者よ。」
‘‘Yaṃ panāniccaṃ, dukkhaṃ vā taṃ sukhaṃ vā’’ti?	「では無常なもの、それは苦ですか、楽ですか？」と。
‘‘Dukkhaṃ, bhante’’.	「苦です、尊者よ。」
‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ .	「では無常なる苦なる変壊法、いったいそれを見なすことは適切ですか、
‘etaṃ mama, esohamasmi, eso me attā’’’ti?	『これは私のもの、これが私である、これは私の我』？」と。
‘‘No hetaṃ, bhante’’.	「いいえ、尊者よ。」
‘‘Vedanā…	「受は　…
saññā…	想は　…
saṅkhārā…	行は　…
viññāṇaṃ niccaṃ vā aniccaṃ vā’’ti?	識は常住ですか、無常ですか？」と。
‘‘Aniccaṃ, bhante’’.	「無常です、尊者よ。」
‘‘Yaṃ panāniccaṃ, dukkhaṃ vā taṃ sukhaṃ vā’’ti?	「では無常なもの、それは苦ですか、楽ですか？」と。
‘‘Dukkhaṃ, bhante’’.	「苦です、尊者よ。」
‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ .	「では無常なる苦なる変壊法、いったいそれを見なすことは適切ですか、
‘etaṃ mama, esohamasmi, eso me attā’’’ti?	『これは私のもの、これが私である、これは私の我』？」と。
‘‘No hetaṃ, bhante’’ [no hetaṃ bhante. tasmātihānanda yaṃ kiñci rūpaṃ atītānāgatapaccuppannaṃ…pe… daṭṭhabbaṃ. (sī. syā. kaṃ. pī.)].	「いいえ、尊者よ。」
‘‘Evaṃ passaṃ…pe…	「このように見る　…中略…
nāparaṃ itthattāyāti pajānātī’’ti.	二度とこの状態はない。』と了知します」と。