ブッダ金の葉

sn2.20『給孤独経』Anāthapiṇḍikasuttaṃ

Ekamantaṃ ṭhito kho anāthapiṇḍiko devaputto bhagavato santike imā gāthāyo abhāsi .	一隅に立った天子アナータピンディカは、世尊のもとでこれらの偈を語った。
‘‘Idañhi taṃ jetavanaṃ, isisaṅghanisevitaṃ;	「ここが仙人衆が実践した　かのジェータ林である
Āvutthaṃ dhammarājena, pītisañjananaṃ mama.	法の王が暮らした　私の喜悦が生じるところ
‘‘Kammaṃ vijjā ca dhammo ca, sīlaṃ jīvitamuttamaṃ;	業、明、法、戒　そして最上の生活
Etena maccā sujjhanti, na gottena dhanena vā.	これにより死すべき者は清まる　家柄や財でなく
‘‘Tasmā hi paṇḍito poso, sampassaṃ atthamattano;	それゆえ　賢き人が自己の利益も見るならば
Yoniso vicine dhammaṃ, evaṃ tattha visujjhati.	根源から法を選別すべし　そのようにそこで清浄となる
‘‘Sāriputtova paññāya, sīlena upasamena ca;	サーリプッタのように　智慧、戒、静寂により
Yopi pāraṅgato bhikkhu, etāvaparamo siyā’’ti.	彼岸に至った比丘は　それほど最上になれる」と。
Idamavoca anāthapiṇḍiko devaputto.	天子アナータピンディカはこう言った。
Idaṃ vatvā bhagavantaṃ abhivādetvā padakkhiṇaṃ katvā tatthevantaradhāyīti.	こう言うと世尊に礼拝し、右回りの礼をしてそこで消え失せたという。
Atha kho bhagavā tassā rattiyā accayena bhikkhū āmantesi .	さて世尊はその夜更けに比丘たちへ呼びかけられた。
‘‘imaṃ, bhikkhave, rattiṃ aññataro devaputto abhikkantāya rattiyā abhikkantavaṇṇo kevalakappaṃ jetavanaṃ obhāsetvā yenāhaṃ tenupasaṅkami;	「比丘たちよ、昨夜、夜も更けたころ、容姿うるわしいある天子がジェータ林を全面に照らして、私に近づいた。
upasaṅkamitvā maṃ abhivādetvā ekamantaṃ aṭṭhāsi.	近づくと私に礼拝して一隅に立った。
Ekamantaṃ ṭhito kho, bhikkhave, so devaputto mama santike imā gāthāyo abhāsi .	一隅に立ったその天子は、私のもとでこれらの偈を語った。
‘‘Idañhi taṃ jetavanaṃ, isisaṅghanisevitaṃ;	「ここが仙人衆が実践した　かのジェータ林である
Āvutthaṃ dhammarājena, pītisañjananaṃ mama.	法の王が暮らした　私の喜悦が生じるところ
‘‘Kammaṃ vijjā ca dhammo ca, sīlaṃ jīvitamuttamaṃ;	業、明、法、戒　そして最上の生活
Etena maccā sujjhanti, na gottena dhanena vā.	これにより死すべき者は清まる　家柄や財でなく
‘‘Tasmā hi paṇḍito poso, sampassaṃ atthamattano;	それゆえ　賢き人が自己の利益も見るならば
Yoniso vicine dhammaṃ, evaṃ tattha visujjhati.	根源から法を選別すべし　そのようにそこで清浄となる
‘‘Sāriputtova paññāya, sīlena upasamena ca;	サーリプッタのように　智慧、戒、静寂により
Yopi pāraṅgato bhikkhu, etāvaparamo siyā’’ti.	彼岸に至った比丘は　それほど最上になれる」と。
‘‘Idamavoca, bhikkhave, so devaputto.	比丘たちよ、その天子はこう言った。
Idaṃ vatvā maṃ abhivādetvā padakkhiṇaṃ katvā tatthevantaradhāyī’’ti.	こう言うと、私に礼拝し右回りの礼をしてそこで消え失せた」と。
Evaṃ vutte, āyasmā ānando bhagavantaṃ etadavoca .	このように説かれたとき、アーナンダ尊者は世尊にこう言った。
‘‘so hi nūna, bhante, anāthapiṇḍiko devaputto bhavissati.	「尊者よ、その天子はアナータピンディカに違いありません。
Anāthapiṇḍiko gahapati āyasmante sāriputte abhippasanno ahosī’’ti.	アナータピンディカ居士はサーリプッタ尊者に対して深い浄信がありました」と。
‘‘Sādhu sādhu, ānanda, yāvatakaṃ kho, ānanda, takkāya pattabbaṃ anuppattaṃ taṃ tayā.	「アーナンダよ。善きかな、善きかな。アーナンダよ、およそ思索により得られる限りのそれに、君はたどり着いた。
Anāthapiṇḍiko hi so, ānanda, devaputto’’ti.	アーナンダよ、その天子はたしかにアナータピンディカである」と。

¹⁾

sn1.48に同様の偈があります。