ブッダ金の葉

sn22.54『種子経』Bījasuttaṃ

Sāvatthinidānaṃ.	サーヴァッティーにちなむ話。
‘‘Pañcimāni, bhikkhave, bījajātāni.	「比丘たちよ、これら五つの種の種類があります。
Katamāni pañca?	五とは何か。
Mūlabījaṃ, khandhabījaṃ, aggabījaṃ, phalubījaṃ, bījabījaññeva pañcamaṃ.	根である種、幹である種、枝先である種、節である種、第五にまさに種子である種です。
Imāni cassu, bhikkhave, pañca bījajātāni akhaṇḍāni apūtikāni avātātapahatāni sārādāni [sārādāyīni (katthaci)] sukhasayitāni, pathavī [paṭhavī (sī. syā. kaṃ. pī.)] ca nāssa, āpo ca nāssa;	しかし比丘たちよ、これら五種類の、欠けなき、腐敗なき、風や熱に害されてない、中身の詰まった種が安置されていても、地もなく水もないならば、
api numāni [api nu imāni (sī. pī.)], bhikkhave, pañca bījajātāni vuddhiṃ virūḷhiṃ vepullaṃ āpajjeyyu’’nti?	比丘たちよ、いったいこれら五種類の種は成長、繁茂、繁栄に至りますか？」と。
‘‘No hetaṃ, bhante’’.	「いいえ、尊者よ。」
‘‘Imāni cassu, bhikkhave, pañca bījajātāni akhaṇḍāni…pe…	「しかし比丘たちよ、これら五種類の、欠けなき　…中略…
sukhasayitāni, pathavī ca assa, āpo ca assa;	安置されており、地もあり水もあるならば、
api numāni, bhikkhave, pañca bījajātāni vuddhiṃ virūḷhiṃ vepullaṃ āpajjeyyu’’nti?	比丘たちよ、いったいこれら五種類の種は成長、繁茂、繁栄に至りますか？」と。
‘‘Evaṃ, bhante’’.	「はい、尊者よ」と。
‘‘Seyyathāpi, bhikkhave, pathavīdhātu, evaṃ catasso viññāṇaṭṭhitiyo daṭṭhabbā.	「たとえば地界のように、比丘たちよ、そのように識の四つのとどまりは見られるべきです。
Seyyathāpi, bhikkhave, āpodhātu, evaṃ nandirāgo daṭṭhabbo.	たとえば水界のように、比丘たちよ、そのように喜び、貪は見られるべきです。
Seyyathāpi, bhikkhave, pañca bījajātāni, evaṃ viññāṇaṃ sāhāraṃ daṭṭhabbaṃ’’.	たとえば五種類の種のように、比丘たちよ、そのように食ある識は見られるべきです。
‘‘Rūpupayaṃ, bhikkhave, viññāṇaṃ tiṭṭhamānaṃ tiṭṭheyya, rūpārammaṇaṃ rūpappatiṭṭhaṃ nandūpasecanaṃ vuddhiṃ virūḷhiṃ vepullaṃ āpajjeyya.	比丘たちよ、色に接近しとどまる識がとどまるとき、色を所縁とし色を拠り所とし喜びを散布しながら、成長、繁茂、繁栄に至るでしょう。
Vedanupayaṃ vā, bhikkhave, viññāṇaṃ tiṭṭhamānaṃ tiṭṭheyya…pe…	あるいは比丘たちよ、受に接近しとどまる識がとどまるとき、
saññupayaṃ vā, bhikkhave, viññāṇaṃ tiṭṭhamānaṃ tiṭṭheyya…pe…	あるいは比丘たちよ、想に接近しとどまる識がとどまるとき、
saṅkhārupayaṃ vā, bhikkhave, viññāṇaṃ tiṭṭhamānaṃ tiṭṭheyya, saṅkhārārammaṇaṃ saṅkhārappatiṭṭhaṃ nandūpasecanaṃ vuddhiṃ virūḷhiṃ vepullaṃ āpajjeyya.	あるいは比丘たちよ、行に接近しとどまる識がとどまるとき、行を所縁とし行を拠り所とし喜びを散布しながら、成長、繁茂、繁栄に至るでしょう。
‘‘Yo, bhikkhave, evaṃ vadeyya .	比丘たちよ、このように語る者、
‘ahamaññatra rūpā aññatra vedanāya aññatra saññāya aññatra saṅkhārehi viññāṇassa āgatiṃ vā gatiṃ vā cutiṃ vā upapattiṃ vā vuddhiṃ vā virūḷhiṃ vā vepullaṃ vā paññāpessāmī’ti, netaṃ ṭhānaṃ vijjati.	『私は色を除いて受を除いて想を除いて行を除いて、識の来、去、没、再生、成長、繁茂、繁栄を告知しよう。』ということはありえません。
‘‘Rūpadhātuyā ceva, bhikkhave, bhikkhuno rāgo pahīno hoti.	比丘たちよ、もし色界について比丘の貪が断じられているなら、
Rāgassa pahānā vocchijjatārammaṇaṃ patiṭṭhā viññāṇassa na hoti.	貪の断ゆえに所縁は分断されて、識の拠り所はありません。
Vedanādhātuyā ce…	もし受界について　…
saññādhātuyā ce…	もし想界について　…
saṅkhāradhātuyā ce…	もし行界について　…
viññāṇadhātuyā ce, bhikkhave, bhikkhuno rāgo pahīno hoti.	比丘たちよ、もし識界について比丘の貪が断じられているなら、
Rāgassa pahānā vocchijjatārammaṇaṃ patiṭṭhā viññāṇassa na hoti.	貪の断ゆえに所縁は分断されて、識の拠り所はありません。
Tadappatiṭṭhitaṃ viññāṇaṃ avirūḷhaṃ anabhisaṅkhaccavimuttaṃ.	その拠り所なき識は繁茂せず、為作せず、解脱します。
Vimuttattā ṭhitaṃ.	解脱したゆえにとどまり、
Ṭhitattā santusitaṃ.	とどまるゆえに満足し、
Santusitattā na paritassati.	満足したゆえに動揺せず、
Aparitassaṃ paccattaññeva parinibbāyati.	動揺しない者はまさに各々で般涅槃し、
‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti.	『生は尽き、梵行は修められ、なすべきはなされた。二度とこの状態はない』と了知します」と。