ブッダ金の葉

文書の過去の版を表示しています。

sn35.31『第一根絶有益経』Paṭhamasamugghātasappāyasuttaṃ

‘‘Sabbamaññitasamugghātasappāyaṃ vo, bhikkhave, paṭipadaṃ desessāmi.	「比丘たちよ、君たちに一切の思いの根絶に有益な行道を示します。
Taṃ suṇātha.	それを聞きなさい。
Katamā ca sā, bhikkhave, sabbamaññitasamugghātasappāyā paṭipadā?	それでは比丘たちよ、その一切の思いの根絶に有益な行道とは何か？
Idha, bhikkhave, bhikkhu cakkhuṃ na maññati, cakkhusmiṃ na maññati, cakkhuto na maññati, cakkhuṃ meti na maññati.	比丘たちよ、ここに比丘は眼を思わず、眼について思わず、眼から思わず、私の眼と思いません。
Rūpe na maññati…pe…	諸色を思わず、　…中略…
cakkhuviññāṇaṃ na maññati, cakkhusamphassaṃ na maññati, yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññati, tasmimpi na maññati, tatopi na maññati, taṃ meti na maññati.	眼識を思わず、眼触を思わず、この眼触に縁りて生じ、感受される楽や苦や不苦不楽、それも思わず、それについても思わず、それからも思わず、私のそれと思いません。
Yañhi, bhikkhave, maññati, yasmiṃ maññati, yato maññati, yaṃ meti maññati, tato taṃ hoti aññathā.	なぜなら比丘たちよ、およそ思い、それについて思い、それから思い、私のそれと思うそれは、それから異なった状態になるからです。
Aññathābhāvī bhavasatto loko bhavamevābhinandati…pe…	（しかし）変異する世間は、有に執してただ有を歓喜します。　…中略…
jivhaṃ na maññati, jivhāya na maññati, jivhāto na maññati, jivhā meti na maññati.	舌を思わず、舌について思わず、舌から思わず、私の舌と思いません。
Rase na maññati…pe…	諸味を思わず、　…中略…
jivhāviññāṇaṃ na maññati, jivhāsamphassaṃ na maññati.	舌識を思わず、舌触を思わず、
Yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññati, tasmimpi na maññati, tatopi na maññati, taṃ meti na maññati.	この舌触に縁りて生じ、感受される楽や苦や不苦不楽、それも思わず、それについても思わず、それからも思わず、私のそれと思いません。
Yañhi, bhikkhave, maññati, yasmiṃ maññati, yato maññati, yaṃ meti maññati, tato taṃ hoti aññathā.	なぜなら比丘たちよ、およそ思い、それについて思い、それから思い、私のそれと思うそれは、それから異なった状態になるからです。
Aññathābhāvī bhavasatto loko bhavamevābhinandati…pe…	（しかし）変異する世間は、有に執してただ有を歓喜します。　…中略…
manaṃ na maññati, manasmiṃ na maññati, manato na maññati, mano meti na maññati.	意を思わず、意について思わず、意から思わず、私の意と思いません。
Dhamme na maññati…pe…	諸法を思わず、　…中略…
manoviññāṇaṃ na maññati, manosamphassaṃ na maññati.	意識を思わず、意触を思わず、
Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi na maññati, tasmimpi na maññati, tatopi na maññati, taṃ meti na maññati.	この意触に縁りて生じ、感受される楽や苦や不苦不楽、それも思わず、それについても思わず、それからも思わず、私のそれと思いません。
Yañhi, bhikkhave, maññati, yasmiṃ maññati, yato maññati, yaṃ meti maññati, tato taṃ hoti aññathā.	なぜなら比丘たちよ、およそ思い、それについて思い、それから思い、私のそれと思うそれは、それから異なった状態になるからです。
Aññathābhāvī bhavasatto loko bhavamevābhinandati.	（しかし）変異する世間は、有に執してただ有を歓喜します。
Yāvatā, bhikkhave, khandhadhātuāyatanaṃ tampi na maññati, tasmimpi na maññati, tatopi na maññati, taṃ meti na maññati.	比丘たちよ、彼は蘊・界・処の限りにおいて、それを思わず、それについても思わず、それからも思わず、私のそれと思いません。
So evaṃ amaññamāno na ca kiñci loke upādiyati.	このように思わない彼は、世間で何であれ取着せず、
Anupādiyaṃ na paritassati.	取着なきゆえに動揺せず、
Aparitassaṃ paccattaññeva parinibbāyati.	動揺しない者はまさに各々で般涅槃し、
‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti.	『生は尽き、梵行は修められ、なすべきはなされた。二度とこの状態はない。』と了知します。
Ayaṃ kho sā, bhikkhave, sabbamaññitasamugghātasappāyā paṭipadā’’ti.	比丘たちよ、これがその一切の思いの根絶に有益な行道です」と。