ブッダ金の葉

sn54.1『一法経』Ekadhammasuttaṃ

Sāvatthinidānaṃ.	サーヴァッティーにちなむ話。
Tatra kho…pe…	そのとき　…中略…
etadavoca .	こう言われた。
‘‘ekadhammo, bhikkhave, bhāvito bahulīkato mahapphalo hoti mahānisaṃso.	比丘たちよ、修養され多修された一法は大果、大益があります。
Katamo ekadhammo?	一法とは何か？
Ānāpānassati [ānāpānasati (sī. pī.)].	入出息念です。
Kathaṃ bhāvitā ca, bhikkhave, ānāpānassati kathaṃ bahulīkatā mahapphalā hoti mahānisaṃsā?	では比丘たちよ、入出息念はいかに修養され、いかに多修されると、大果、大益があるのか？
Idha, bhikkhave, bhikkhu araññagato vā rukkhamūlagato vā suññāgāragato vā nisīdati pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā.	比丘たちよ、ここに比丘は森に行くか、樹の根元に行くか、あるいは空き家に行き、結跏を組み、まっすぐに身を定置して、面前に念を現前させて座ります。¹⁾
So satova assasati, satova [sato (bahūsu) tatiyapārājikepi] passasati.	彼はただ念じて入息し、ただ念じて出息します。
Dīghaṃ vā assasanto ‘dīghaṃ assasāmī’ti pajānāti, dīghaṃ vā passasanto ‘dīghaṃ passasāmī’ti pajānāti;	（１）²⁾長く入息しつつ『長く入息している』と了知し、長く出息しつつ『長く出息している』と了知します。
rassaṃ vā assasanto ‘rassaṃ assasāmī’ti pajānāti, rassaṃ vā passasanto ‘rassaṃ passasāmī’ti pajānāti;	短く入息しつつ『短く入息している』と了知し、短く出息しつつ『短く出息している』と了知します。
‘sabbakāyappaṭisaṃvedī assasissāmī’ti sikkhati, ‘sabbakāyappaṭisaṃvedī passasissāmī’ti sikkhati;	『全身を体験しつつ入息しよう』と学び、『全身を体験しつつ出息しよう』と学びます。
‘passambhayaṃ kāyasaṅkhāraṃ assasissāmī’ti sikkhati, ‘passambhayaṃ kāyasaṅkhāraṃ passasissāmī’ti sikkhati;	『身行を鎮めつつ入息しよう』と学び、『身行を鎮めつつ出息しよう』と学びます。³⁾
‘pītippaṭisaṃvedī assasissāmī’ti sikkhati, ‘pītippaṭisaṃvedī passasissāmī’ti sikkhati;	（２）『喜悦を体験しつつ入息しよう』と学び、『喜悦を体験しつつ出息しよう』と学びます。
‘sukhappaṭisaṃvedī assasissāmī’ti sikkhati, ‘sukhappaṭisaṃvedī passasissāmī’ti sikkhati;	『楽を体験しつつ入息しよう』と学び、『楽を体験しつつ出息しよう』と学びます。
‘cittasaṅkhārappaṭisaṃvedī assasissāmī’ti sikkhati, ‘cittasaṅkhārappaṭisaṃvedī passasissāmī’ti sikkhati;	『心行を体験しつつ入息しよう』と学び、『心行を体験しつつ出息しよう』と学びます。⁴⁾
‘passambhayaṃ cittasaṅkhāraṃ assasissāmī’ti sikkhati, ‘passambhayaṃ cittasaṅkhāraṃ passasissāmī’ti sikkhati;	『心行を鎮めつつ入息しよう』と学び、『心行を鎮めつつ出息しよう』と学びます。
‘cittappaṭisaṃvedī assasissāmī’ti sikkhati, ‘cittappaṭisaṃvedī passasissāmī’ti sikkhati;	（３）『心を体験しつつ入息しよう』と学び、『心を体験しつつ出息しよう』と学びます。
‘abhippamodayaṃ cittaṃ assasissāmī’ti sikkhati, ‘abhippamodayaṃ cittaṃ passasissāmī’ti sikkhati;	『心を大いに喜ばせつつ入息しよう』と学び、『心を大いに喜ばせつつ出息しよう』と学びます。
‘samādahaṃ cittaṃ assasissāmī’ti sikkhati, ‘samādahaṃ cittaṃ passasissāmī’ti sikkhati;	『心を定めつつ入息しよう』と学び、『心を定めつつ出息しよう』と学びます。
‘vimocayaṃ cittaṃ assasissāmī’ti sikkhati, ‘vimocayaṃ cittaṃ passasissāmī’ti sikkhati;	『心を解脱させつつ入息しよう』と学び、『心を解脱させつつ出息しよう』と学びます。
‘aniccānupassī assasissāmī’ti sikkhati, ‘aniccānupassī passasissāmī’ti sikkhati;	（４）『無常を随観しつつ入息しよう』と学び、『無常を随観しつつ出息しよう』と学びます。
‘virāgānupassī assasissāmī’ti sikkhati, ‘virāgānupassī passasissāmī’ti sikkhati;	『離貪を随観しつつ入息しよう』と学び、『離貪を随観しつつ出息しよう』と学びます。
‘nirodhānupassī assasissāmī’ti sikkhati, ‘nirodhānupassī passasissāmī’ti sikkhati;	『滅を随観しつつ入息しよう』と学び、『滅を随観しつつ出息しよう』と学びます。
‘paṭinissaggānupassī assasissāmī’ti sikkhati, ‘paṭinissaggānupassī passasissāmī’ti sikkhati.	『放棄を随観しつつ入息しよう』と学び、『放棄を随観しつつ出息しよう』と学びます。
Evaṃ bhāvitā kho, bhikkhave, ānāpānassati evaṃ bahulīkatā mahapphalā hoti mahānisaṃsā’’ti.	比丘たちよ、入出息念はこのように修養され、このように多修されると、大果、大益があります」と。

¹⁾

parimukhaṃは”面前、口の前”だけでなく、”一心に、ひたすら”という解釈もあります。

²⁾

四念処（身・受・心・法）との対応がわかるように便宜的に番号を付しています。

³⁾

身行とは出息・入息のようです。➡mn44_1

⁴⁾

心行とは想と受のようです。➡mn44_1