sn22.59『無我相経』Anattalakkhaṇasuttaṃ

Ekaṃ samayaṃ bhagavā bārāṇasiyaṃ viharati isipatane migadāye.　ある時、世尊はバーラーナシーのイシパタナ鹿園に住されていた。
Tatra kho bhagavā pañcavaggiye bhikkhū āmantesi .　そのとき世尊は五比丘衆に呼びかけられた。
‘‘bhikkhavo’’ti.「比丘たちよ」と。
‘‘Bhadante’’ti te bhikkhū bhagavato paccassosuṃ.「尊者よ」と、かの比丘たちは世尊に応じた。
Bhagavā etadavoca .　世尊はこう言われた。
‘‘Rūpaṃ, bhikkhave, anattā.「比丘たちよ、色は無我です。
Rūpañca hidaṃ, bhikkhave, attā abhavissa, nayidaṃ rūpaṃ ābādhāya saṃvatteyya, labbhetha ca rūpe .　比丘たちよ、色が我であるならば、色は患いをもたらすことはなく、君たちは色に対して（こう）できるでしょう、
‘evaṃ me rūpaṃ hotu, evaṃ me rūpaṃ mā ahosī’ti.『私の色はこのようになれ、私の色はこのようになるな』と。
Yasmā ca kho, bhikkhave, rūpaṃ anattā, tasmā rūpaṃ ābādhāya saṃvattati, na ca labbhati rūpe .　しかし比丘たちよ、色は無我であるので、それゆえに色は患いをもたらし、色に対して（こう）できません、
‘evaṃ me rūpaṃ hotu, evaṃ me rūpaṃ mā ahosī’’’ti.『私の色はこのようになれ、私の色はこのようになるな』と。
‘‘Vedanā anattā.　受は無我です。
Vedanā ca hidaṃ, bhikkhave, attā abhavissa, nayidaṃ vedanā ābādhāya saṃvatteyya, labbhetha ca vedanāya .　比丘たちよ、受が我であるならば、受は患いをもたらすことはなく、君たちは受に対して（こう）できるでしょう、
‘evaṃ me vedanā hotu, evaṃ me vedanā mā ahosī’ti.『私の受はこのようになれ、私の受はこのようになるな』と。
Yasmā ca kho, bhikkhave, vedanā anattā, tasmā vedanā ābādhāya saṃvattati, na ca labbhati vedanāya .　しかし比丘たちよ、受は無我であるので、それゆえに受は患いをもたらし、受に対して（こう）できません、
‘evaṃ me vedanā hotu, evaṃ me vedanā mā ahosī’’’ti.『私の受はこのようになれ、私の受はこのようになるな』と。
‘‘Saññā anattā…pe…　想は無我です。　…中略…
saṅkhārā anattā.　行は無我です。
Saṅkhārā ca hidaṃ, bhikkhave, attā abhavissaṃsu, nayidaṃ saṅkhārā ābādhāya saṃvatteyyuṃ, labbhetha ca saṅkhāresu .　比丘たちよ、行が我であるならば、行は患いをもたらすことはなく、君たちは行に対して（こう）できるでしょう、
‘evaṃ me saṅkhārā hontu, evaṃ me saṅkhārā mā ahesu’nti.『私の行はこのようになれ、私の行はこのようになるな』と。
Yasmā ca kho, bhikkhave, saṅkhārā anattā, tasmā saṅkhārā ābādhāya saṃvattanti, na ca labbhati saṅkhāresu .　しかし比丘たちよ、行は無我であるので、それゆえに行は患いをもたらし、行に対して（こう）できません、
‘evaṃ me saṅkhārā hontu, evaṃ me saṅkhārā mā ahesu’’’nti.『私の行はこのようになれ、私の行はこのようになるな』と。
‘‘Viññāṇaṃ anattā.　識は無我です。
Viññāṇañca hidaṃ, bhikkhave, attā abhavissa, nayidaṃ viññāṇaṃ ābādhāya saṃvatteyya, labbhetha ca viññāṇe .　比丘たちよ、識が我であるならば、識は患いをもたらすことはなく、君たちは識に対して（こう）できるでしょう、
‘evaṃ me viññāṇaṃ hotu, evaṃ me viññāṇaṃ mā ahosī’ti.『私の識はこのようになれ、私の識はこのようになるな』と。
Yasmā ca kho, bhikkhave, viññāṇaṃ anattā, tasmā viññāṇaṃ ābādhāya saṃvattati, na ca labbhati viññāṇe .　しかし比丘たちよ、識は無我であるので、それゆえに識は患いをもたらし、識に対して（こう）できません、
‘evaṃ me viññāṇaṃ hotu, evaṃ me viññāṇaṃ mā ahosī’’’ti.『私の識はこのようになれ、私の識はこのようになるな』と。
‘‘Taṃ kiṃ maññatha, bhikkhave, rūpaṃ niccaṃ vā aniccaṃ vā’’ti?　比丘たちよ、これをどう思いますか。色は常住ですか、無常ですか？」と。
‘‘Aniccaṃ, bhante’’.「無常です、尊者よ。」
‘‘Yaṃ panāniccaṃ dukkhaṃ vā taṃ sukhaṃ vā’’ti?「では無常なもの、それは苦ですか、楽ですか？」と。
‘‘Dukkhaṃ, bhante’’.「苦です、尊者よ。」
‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ .「では無常なる苦なる変壊法、いったいそれを見なすことは適切ですか、
‘etaṃ mama, esohamasmi, eso me attā’’’ti?『これは私のもの、これが私である、これは私の我』？」と。
‘‘No hetaṃ, bhante’’.「いいえ、尊者よ。」
‘‘Vedanā…　受は　…
saññā…　想は　…
saṅkhārā…　行は　…
viññāṇaṃ niccaṃ vā aniccaṃ vā’’ti?「識は常住ですか、無常ですか？」と。
‘‘Aniccaṃ, bhante’’.「無常です、尊者よ。」
‘‘Yaṃ panāniccaṃ dukkhaṃ vā taṃ sukhaṃ vā’’ti?「では無常なもの、それは苦ですか、楽ですか？」と。
‘‘Dukkhaṃ, bhante’’.「苦です、尊者よ。」
‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ .「では無常なる苦なる変壊法、いったいそれを見なすことは適切ですか、
‘etaṃ mama, esohamasmi, eso me attā’’’ti?『これは私のもの、これが私である、これは私の我』？」と。
‘‘No hetaṃ, bhante’’.「いいえ、尊者よ。」
‘‘Tasmātiha, bhikkhave, yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ rūpaṃ .「それゆえここに比丘たちよ、過去・未来・現在のいかなる色であれ、内の、外の、粗雑な、微細な、劣った、優れた、遠く、近くのあらゆる色を、
‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ.『これは私のものではない、これは私ではない、これは私の我ではない』と、そのようにこれは如実に正しい智慧で見られるべきです。
Yā kāci vedanā atītānāgatapaccuppannā ajjhattā vā bahiddhā vā…pe…　過去・未来・現在のいかなる受であれ、内の、外の、　…中略…
yā dūre santike vā, sabbā vedanā .　遠く、近くのあらゆる受を、
‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ.『これは私のものではない、これは私ではない、これは私の我ではない』と、そのようにこれは如実に正しい智慧で見られるべきです。
‘‘Yā kāci saññā…pe…　いかなる想であれ、　…中略…
ye keci saṅkhārā atītānāgatapaccuppannā ajjhattaṃ vā bahiddhā vā…pe…　過去・未来・現在のいかなる想であれ、内の、外の、　…中略…
ye dūre santike vā, sabbe saṅkhārā .　遠く、近くのあらゆる行を、
‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ.『これは私のものではない、これは私ではない、これは私の我ではない』と、そのようにこれは如実に正しい智慧で見られるべきです。
‘‘Yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ viññāṇaṃ .　過去・未来・現在のいかなる識であれ、内の、外の、粗雑な、微細な、劣った、優れた、遠く、近くのあらゆる識を、
‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ.『これは私のものではない、これは私ではない、これは私の我ではない』と、そのようにこれは如実に正しい智慧で見られるべきです。
‘‘Evaṃ passaṃ, bhikkhave, sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati.　比丘たちよ、このように見る既聞の聖弟子は、色についても厭い、受についても厭い、想についても厭い、行についても厭い、識についても厭い、
Nibbindaṃ virajjati;　厭うので離貪し、
virāgā vimuccati.　離貪ゆえに解脱し、
Vimuttasmiṃ vimuttamiti ñāṇaṃ hoti.　解脱したとき、解脱したという智があります。
‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti.『生は尽き、梵行は修められ、なすべきはなされた。二度とこの状態はない』と了知します」と。
Idamavoca bhagavā.　世尊はこう言われた。
Attamanā pañcavaggiyā bhikkhū bhagavato bhāsitaṃ abhinanduṃ [abhinandunti (ka.)].　意に適った五比丘衆は、世尊の所説に歓喜した。
Imasmiñca pana veyyākaraṇasmiṃ bhaññamāne pañcavaggiyānaṃ bhikkhūnaṃ anupādāya āsavehi cittāni vimucciṃsūti.　そしてこの明言が説かれたとき、五比丘衆の心は、取着せず諸漏より解脱したという。