ブッダ金の葉

sn35.235『燃焼理経』Ādittapariyāyasuttaṃ

‘‘Ādittapariyāyaṃ vo, bhikkhave, dhammapariyāyaṃ desessāmi.	「比丘たちよ、君たちに燃焼の理という法理を示します。
Taṃ suṇātha.	それを聞きなさい。
Katamo ca, bhikkhave, ādittapariyāyo, dhammapariyāyo?	それでは比丘たちよ、何が燃焼の理という法理なのか？
Varaṃ, bhikkhave, tattāya ayosalākāya ādittāya sampajjalitāya sajotibhūtāya [sañjotibhūtāya (syā. kaṃ.)] cakkhundriyaṃ sampalimaṭṭhaṃ, na tveva cakkhuviññeyyesu rūpesu anubyañjanaso nimittaggāho.	比丘たちよ、眼で識られるべき諸色について随相から特相からつかむよりも、熱され、燃え、燃えさかり、輝く鉄べらによって眼根がこすり潰されたほうがましです。
Nimittassādagathitaṃ [nimittassādagadhitaṃ (syā. kaṃ. ka.) ma. ni. 3.316-317] vā, bhikkhave, viññāṇaṃ tiṭṭhamānaṃ tiṭṭheyya, anubyañjanassādagathitaṃ vā tasmiñce samaye kālaṃ kareyya, ṭhānametaṃ vijjati, yaṃ dvinnaṃ gatīnaṃ aññataraṃ gatiṃ gaccheyya .	比丘たちよ、もし特相の楽味に繋がれたまま、あるいは随相の楽味に繋がれたまま識がとどまり、そしてそのときに最期を迎えるなら、二つの行き先のうちのどちらかへ至るべき道理があります。
nirayaṃ vā, tiracchānayoniṃ vā.	地獄に、あるいは畜生胎に。
Imaṃ khvāhaṃ, bhikkhave, ādīnavaṃ disvā evaṃ vadāmi.	比丘たちよ、この危難を見て、私はこのように説くのです。
‘‘Varaṃ, bhikkhave, tiṇhena ayosaṅkunā ādittena sampajjalitena sajotibhūtena sotindriyaṃ sampalimaṭṭhaṃ, na tveva sotaviññeyyesu saddesu anubyañjanaso nimittaggāho.	比丘たちよ、耳で識られるべき諸声について随相から特相からつかむよりも、燃え、燃えさかり、輝く鉄杭によって耳根がこすり潰されたほうがましです。
Nimittassādagathitaṃ vā, bhikkhave, viññāṇaṃ tiṭṭhamānaṃ tiṭṭheyya, anubyañjanassādagathitaṃ vā tasmiñce samaye kālaṅkareyya, ṭhānametaṃ vijjati, yaṃ dvinnaṃ gatīnaṃ aññataraṃ gatiṃ gaccheyya .	比丘たちよ、もし特相の楽味に繋がれたまま、あるいは随相の楽味に繋がれたまま識がとどまり、そしてそのときに最期を迎えるなら、二つの行き先のうちのどちらかへ至るべき道理があります。
nirayaṃ vā tiracchānayoniṃ vā.	地獄に、あるいは畜生胎に。
Imaṃ khvāhaṃ, bhikkhave, ādīnavaṃ disvā evaṃ vadāmi.	比丘たちよ、この危難を見て、私はこのように説くのです。
‘‘Varaṃ, bhikkhave, tiṇhena nakhacchedanena ādittena sampajjalitena sajotibhūtena ghānindriyaṃ sampalimaṭṭhaṃ, na tveva ghānaviññeyyesu gandhesu anubyañjanaso nimittaggāho.	比丘たちよ、鼻で識られるべき諸香について随相から特相からつかむよりも、燃え、燃えさかり、輝く鋭い爪切の刃によって鼻根がこすり潰されたほうがましです。
Nimittassādagathitaṃ vā, bhikkhave, viññāṇaṃ tiṭṭhamānaṃ tiṭṭheyya, anubyañjanassādagathitaṃ vā tasmiñce samaye kālaṃ kareyya.	比丘たちよ、もし特相の楽味に繋がれたまま、あるいは随相の楽味に繋がれたまま識がとどまり、そしてそのときに最期を迎えるなら、
Ṭhānametaṃ vijjati, yaṃ dvinnaṃ gatīnaṃ aññataraṃ gatiṃ gaccheyya .	二つの行き先のうちのどちらかへ至るべき道理があります。
nirayaṃ vā tiracchānayoniṃ vā.	地獄に、あるいは畜生胎に。
Imaṃ khvāhaṃ, bhikkhave, ādīnavaṃ disvā evaṃ vadāmi.	比丘たちよ、この危難を見て、私はこのように説くのです。
‘‘Varaṃ, bhikkhave, tiṇhena khurena ādittena sampajjalitena sajotibhūtena jivhindriyaṃ sampalimaṭṭhaṃ, na tveva jivhāviññeyyesu rasesu anubyañjanaso nimittaggāho.	比丘たちよ、舌で識られるべき諸味について随相から特相からつかむよりも、燃え、燃えさかり、輝く鋭い剃刀によって舌根がこすり潰されたほうがましです。
Nimittassādagathitaṃ vā, bhikkhave, viññāṇaṃ tiṭṭhamānaṃ tiṭṭheyya, anubyañjanassādagathitaṃ vā tasmiñce samaye kālaṃ kareyya.	比丘たちよ、もし特相の楽味に繋がれたまま、あるいは随相の楽味に繋がれたまま識がとどまり、そしてそのときに最期を迎えるなら、
Ṭhānametaṃ vijjati, yaṃ dvinnaṃ gatīnaṃ aññataraṃ gatiṃ gaccheyya .	二つの行き先のうちのどちらかへ至るべき道理があります。
nirayaṃ vā tiracchānayoniṃ vā.	地獄に、あるいは畜生胎に。
Imaṃ khvāhaṃ, bhikkhave, ādīnavaṃ disvā evaṃ vadāmi.	比丘たちよ、この危難を見て、私はこのように説くのです。
‘‘Varaṃ, bhikkhave, tiṇhāya sattiyā ādittāya sampajjalitāya sajotibhūtāya kāyindriyaṃ sampalimaṭṭhaṃ, na tveva kāyaviññeyyesu phoṭṭhabbesu anubyañjanaso nimittaggāho.	比丘たちよ、身で識られるべき諸接触について随相から特相からつかむよりも、熱され、燃え、燃えさかり、輝く鋭い槍によって身根がこすり潰されたほうがましです。
Nimittassādagathitaṃ vā, bhikkhave, viññāṇaṃ tiṭṭhamānaṃ tiṭṭheyya, anubyañjanassādagathitaṃ vā tasmiñce samaye kālaṃ kareyya.	比丘たちよ、もし特相の楽味に繋がれたまま、あるいは随相の楽味に繋がれたまま識がとどまり、そしてそのときに最期を迎えるなら、
Ṭhānametaṃ vijjati, yaṃ dvinnaṃ gatīnaṃ aññataraṃ gatiṃ gaccheyya .	二つの行き先のうちのどちらかへ至るべき道理があります。
nirayaṃ vā tiracchānayoniṃ vā.	地獄に、あるいは畜生胎に。
Imaṃ khvāhaṃ, bhikkhave, ādīnavaṃ disvā evaṃ vadāmi.	比丘たちよ、この危難を見て、私はこのように説くのです。
‘‘Varaṃ, bhikkhave, sottaṃ.	比丘たちよ、眠るほうがまだましです。
Sottaṃ kho panāhaṃ, bhikkhave, vañjhaṃ jīvitānaṃ vadāmi, aphalaṃ jīvitānaṃ vadāmi, momūhaṃ jīvitānaṃ vadāmi, na tveva tathārūpe vitakke vitakkeyya yathārūpānaṃ vitakkānaṃ vasaṃ gato saṅghaṃ bhindeyya.	比丘たちよ、私は眠ることが命にとって不毛であると説き、命にとって果実なきであると説き、命にとって愚鈍であると説きます。しかし諸尋に支配されて僧伽を壊すような、そのような諸尋を尋思するより（眠るほうがましです）。
Imaṃ khvāhaṃ, bhikkhave, vañjhaṃ jīvitānaṃ ādīnavaṃ disvā evaṃ vadāmi.	比丘たちよ、命にとってこの不毛、危難を見て、私はこのように説くのです。
‘‘Tattha, bhikkhave, sutavā ariyasāvako iti paṭisañcikkhati .	それについて比丘たちよ、既聞の聖弟子は、かく熟慮します、
‘tiṭṭhatu tāva tattāya ayosalākāya ādittāya sampajjalitāya sajotibhūtāya cakkhundriyaṃ sampalimaṭṭhaṃ.	『たとえ熱され、燃え、燃えさかり、輝く鉄べらによって眼根がこすり潰されようとも構わない。
Handāhaṃ idameva manasi karomi .	さあ、私はこれだけを作意するのだ、
iti cakkhu aniccaṃ, rūpā aniccā, cakkhuviññāṇaṃ aniccaṃ, cakkhusamphasso anicco, yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccaṃ’’’ [anicca’’nti (?)].	”眼は無常であり、諸色は無常であり、眼識は無常であり、眼触は無常であり、この眼触に縁りて生じ、感受される楽や苦や不苦不楽、それも無常である”と。
‘‘Tiṭṭhatu tāva tiṇhena ayosaṅkunā ādittena sampajjalitena sajotibhūtena sotindriyaṃ sampalimaṭṭhaṃ.	たとえ燃え、燃えさかり、輝く鉄杭によって耳根がこすり潰されようとも構わない。
Handāhaṃ idameva manasi karomi .	さあ、私はこれだけを作意するのだ、
iti sotaṃ aniccaṃ, saddā aniccā, sotaviññāṇaṃ aniccaṃ, sotasamphasso anicco, yampidaṃ sotasamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccaṃ.	”耳は無常であり、諸声は無常であり、耳識は無常であり、耳触は無常であり、この耳触に縁りて生じ、感受される楽や苦や不苦不楽、それも無常である”と。
‘‘Tiṭṭhatu tāva tiṇhena nakhacchedanena ādittena sampajjalitena sajotibhūtena ghānindriyaṃ sampalimaṭṭhaṃ.	たとえ燃え、燃えさかり、輝く鋭い爪切の刃によって鼻根がこすり潰されようとも構わない。
Handāhaṃ idameva manasi karomi .	さあ、私はこれだけを作意するのだ、
iti ghānaṃ aniccaṃ, gandhā aniccā, ghānaviññāṇaṃ aniccaṃ, ghānasamphasso anicco, yampidaṃ ghānasamphassapaccayā uppajjati vedayitaṃ…pe…	”鼻は無常であり、諸香は無常であり、鼻識は無常であり、鼻触は無常であり、この鼻触に縁りて生じ、感受される　…中略…
tampi aniccaṃ.	それも無常である”と。
‘‘Tiṭṭhatu tāva tiṇhena khurena ādittena sampajjalitena sajotibhūtena jivhindriyaṃ sampalimaṭṭhaṃ.	たとえ燃え、燃えさかり、輝く鋭い剃刀によって舌根がこすり潰されようとも構わない。
Handāhaṃ idameva manasi karomi .	さあ、私はこれだけを作意するのだ、
iti jivhā aniccā, rasā aniccā, jivhāviññāṇaṃ aniccaṃ, jivhāsamphasso anicco, yampidaṃ jivhāsamphassapaccayā uppajjati…pe…	”舌は無常であり、諸味は無常であり、舌識は無常であり、舌触は無常であり、この舌触に縁りて生じ、感受される　…中略…
tampi aniccaṃ.	それも無常である”と。
‘‘Tiṭṭhatu tāva tiṇhāya sattiyā ādittāya sampajjalitāya sajotibhūtāya kāyindriyaṃ sampalimaṭṭhaṃ.	たとえ熱され、燃え、燃えさかり、輝く鋭い槍によって身根がこすり潰されようとも構わない。
Handāhaṃ idameva manasi karomi .	さあ、私はこれだけを作意するのだ、
iti kāyo anicco, phoṭṭhabbā aniccā, kāyaviññāṇaṃ aniccaṃ, kāyasamphasso anicco, yampidaṃ kāyasamphassapaccayā uppajjati vedayitaṃ…pe…	”身は無常であり、諸接触は無常であり、身識は無常であり、身触は無常であり、この身触に縁りて生じ、感受される　…中略…
tampi aniccaṃ.	それも無常である”と。
‘‘Tiṭṭhatu tāva sottaṃ.	ひとまず眠りはさておき、
Handāhaṃ idameva manasi karomi .	さあ、私はこれだけを作意するのだ、
iti mano anicco, dhammā aniccā, manoviññāṇaṃ aniccaṃ, manosamphasso anicco, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccaṃ’’.	”意は無常であり、諸法は無常であり、意識は無常であり、意触は無常であり、この意触に縁りて生じ、感受される楽や苦や不苦不楽、それも無常である”と。
‘‘Evaṃ passaṃ, bhikkhave, sutavā ariyasāvako cakkhusmimpi nibbindati, rūpesupi nibbindati, cakkhuviññāṇepi nibbindati, cakkhusamphassepi nibbindati…pe…	比丘たちよ、このように見る既聞の聖弟子は、眼についても厭い、諸色についても厭い、眼識についても厭い、眼触についても厭い、　…中略…
yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi nibbindati.	この意触に縁りて生じ、感受される楽や苦や不苦不楽についても厭います。
Nibbindaṃ virajjati;	厭うので離貪し、
virāgā vimuccati;	離貪ゆえに解脱し、
vimuttasmiṃ vimuttamiti ñāṇaṃ hoti.	解脱したとき、解脱したという智があります。
‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti.	『生は尽き、梵行は修められ、なすべきはなされた。二度とこの状態はない』と了知します。
Ayaṃ kho, bhikkhave, ādittapariyāyo, dhammapariyāyo’’ti.	比丘たちよ、これが燃焼の理という法理です」と。