sn36.31『離肉経』Nirāmisasuttaṃ

‘‘Atthi, bhikkhave, sāmisā pīti, atthi nirāmisā pīti, atthi nirāmisā nirāmisatarā pīti; 「比丘たちよ、有肉の喜悦があり、離肉の喜悦があり、さらに離肉なる喜悦があり、
atthi sāmisaṃ sukhaṃ, atthi nirāmisaṃ sukhaṃ, atthi nirāmisā nirāmisataraṃ sukhaṃ; 　有肉の楽があり、離肉の楽があり、さらに離肉なる楽があり、
atthi sāmisā upekkhā, atthi nirāmisā upekkhā, atthi nirāmisā nirāmisatarā upekkhā; 　有肉の捨があり、離肉の捨があり、さらに離肉なる捨があり、
atthi sāmiso vimokkho, atthi nirāmiso vimokkho, atthi nirāmisā nirāmisataro vimokkho. 　有肉の解脱があり、離肉の解脱があり、さらに離肉なる解脱があります。
Katamā ca, bhikkhave, sāmisā pīti? 　それでは比丘たちよ、有肉の喜悦とは何か？
Pañcime, bhikkhave, kāmaguṇā. 　比丘たちよ、これら五欲があります。
Katame pañca? 　五とは何か。
Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā…pe… 　眼で識られる、望ましい、所愛の、好ましい、愛しい、欲を近寄せ、魅了する諸色、　…中略…
kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā. 　身で識られる、望ましい、所愛の、好ましい、愛しい、欲を近寄せ、魅了する諸接触です。
Ime kho, bhikkhave, pañca kāmaguṇā. 　比丘たちよ、これらが五欲です。
Yā kho, bhikkhave, ime pañca kāmaguṇe paṭicca uppajjati pīti, ayaṃ vuccati, bhikkhave, sāmisā pīti.　比丘たちよ、これら五欲に縁りて生じる喜悦。これが有肉の喜悦と呼ばれます。
‘‘Katamā ca, bhikkhave, nirāmisā pīti? 　それでは比丘たちよ、離肉の喜悦とは何か？
Idha, bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. 　比丘たちよ、ここに比丘は諸欲から遠離して、不善諸法から遠離して、尋あり伺ある、遠離より生じた喜悦と楽ある初禅を成就して住します。
Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. 　尋と伺の寂滅ゆえに、内に明浄ある、心の統一した、尋なき伺なき、定より生じた喜悦と楽ある第二禅を成就して住します。
Ayaṃ vuccati, bhikkhave, nirāmisā pīti.　比丘たちよ、これが離肉の喜悦と呼ばれます。
‘‘Katamā ca, bhikkhave, nirāmisā nirāmisatarā pīti? 　それでは比丘たちよ、さらに離肉なる喜悦とは何か？
Yā kho, bhikkhave, khīṇāsavassa bhikkhuno rāgā cittaṃ vimuttaṃ paccavekkhato, dosā cittaṃ vimuttaṃ paccavekkhato, mohā cittaṃ vimuttaṃ paccavekkhato uppajjati pīti, ayaṃ vuccati, bhikkhave, nirāmisā nirāmisatarā pīti.　比丘たちよ、漏尽の比丘が貪から解脱した心を精査するとき、瞋から解脱した心を精査するとき、痴から解脱した心を精査するときに生じる喜悦。これがさらに離肉なる喜悦と呼ばれます。
‘‘Katamañca, bhikkhave, sāmisaṃ sukhaṃ? 　それでは比丘たちよ、有肉の楽とは何か？
Pañcime, bhikkhave, kāmaguṇā. 　比丘たちよ、これら五欲があります。
Katame pañca? 　五とは何か。
Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā…pe… 　眼で識られる、望ましい、所愛の、好ましい、愛しい、欲を近寄せ、魅了する諸色、　…中略…
kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā. 　身で識られる、望ましい、所愛の、好ましい、愛しい、欲を近寄せ、魅了する諸接触です。
Ime kho, bhikkhave, pañca kāmaguṇā. 　比丘たちよ、これらが五欲です。
Yaṃ kho, bhikkhave, ime pañca kāmaguṇe paṭicca uppajjati sukhaṃ somanassaṃ, idaṃ vuccati, bhikkhave, sāmisaṃ sukhaṃ.　比丘たちよ、これら五欲に縁りて生じる楽と嬉。これが有肉の楽と呼ばれます。
‘‘Katamañca, bhikkhave, nirāmisaṃ sukhaṃ? 　それでは比丘たちよ、離肉の楽とは何か？
Idha, bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. 　比丘たちよ、ここに比丘は諸欲から遠離して、不善諸法から遠離して、尋あり伺ある、遠離より生じた喜悦と楽ある初禅を成就して住します。
Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. 　尋と伺の寂滅ゆえに、内に明浄ある、心の統一した、尋なき伺なき、定より生じた喜悦と楽ある第二禅を成就して住します。
Pītiyā ca virāgā upekkhako ca viharati sato ca sampajāno sukhañca kāyena paṭisaṃvedeti, yaṃ taṃ ariyā ācikkhanti – 　喜悦の退色ゆえに、捨ある者として住し、念じ正知しつつ身による楽を体験し、聖者たちがそれを、
‘upekkhako satimā sukhavihārī’ti tatiyaṃ jhānaṃ upasampajja viharati. 『捨と念ある楽住者』と告げる第三禅を成就して住します。
Idaṃ vuccati, bhikkhave, nirāmisaṃ sukhaṃ.　これが離肉の楽と呼ばれます。
‘‘Katamañca, bhikkhave, nirāmisā nirāmisataraṃ sukhaṃ? 　それでは比丘たちよ、さらに離肉なる楽とは何か？
Yaṃ kho, bhikkhave, khīṇāsavassa bhikkhuno rāgā cittaṃ vimuttaṃ paccavekkhato, dosā cittaṃ vimuttaṃ paccavekkhato, mohā cittaṃ vimuttaṃ paccavekkhato uppajjati sukhaṃ somanassaṃ, idaṃ vuccati, bhikkhave, nirāmisā nirāmisataraṃ sukhaṃ.　比丘たちよ、漏尽の比丘が貪から解脱した心を精査するとき、瞋から解脱した心を精査するとき、痴から解脱した心を精査するときに生じる楽。これがさらに離肉なる楽と呼ばれます。
‘‘Katamā ca, bhikkhave, sāmisā upekkhā? 　それでは比丘たちよ、有肉の捨とは何か？
Pañcime, bhikkhave, kāmaguṇā. 　比丘たちよ、これら五欲があります。
Katame pañca? 　五とは何か。
Cakkhuviññeyyā rūpā iṭṭhā kantā manāpā piyarūpā kāmūpasaṃhitā rajanīyā…pe… 　眼で識られる、望ましい、所愛の、好ましい、愛しい、欲を近寄せ、魅了する諸色、　…中略…
kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā. 　身で識られる、望ましい、所愛の、好ましい、愛しい、欲を近寄せ、魅了する諸接触です。
Ime kho, bhikkhave, pañca kāmaguṇā. 　比丘たちよ、これらが五欲です。
Yā kho, bhikkhave, ime pañca kāmaguṇe paṭicca uppajjati upekkhā, ayaṃ vuccati, bhikkhave, sāmisā upekkhā.　比丘たちよ、これら五欲に縁りて生じる捨。これが有肉の捨と呼ばれます。
‘‘Katamā ca, bhikkhave, nirāmisā upekkhā? 　それでは比丘たちよ、離肉の捨とは何か？
Idha, bhikkhave, bhikkhu sukhassa ca pahānā, dukkhassa ca pahānā, pubbeva somanassadomanassānaṃ atthaṅgamā, adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. 　比丘たちよ、ここに比丘は楽の断ゆえに苦の断ゆえに、以前の嬉、憂の消滅ゆえに、不苦不楽なる、捨と念により遍浄な第四禅を成就して住します。
Ayaṃ vuccati, bhikkhave, nirāmisā upekkhā.　比丘たちよ、これが離肉の捨と呼ばれます。
‘‘Katamā ca, bhikkhave, nirāmisā nirāmisatarā upekkhā? 　それでは比丘たちよ、さらに離肉なる捨とは何か？
Yā kho, bhikkhave, khīṇāsavassa bhikkhuno rāgā cittaṃ vimuttaṃ paccavekkhato, dosā cittaṃ vimuttaṃ paccavekkhato, mohā cittaṃ vimuttaṃ paccavekkhato uppajjati upekkhā, ayaṃ vuccati, bhikkhave, nirāmisā nirāmisatarā upekkhā.　比丘たちよ、漏尽の比丘が貪から解脱した心を精査するとき、瞋から解脱した心を精査するとき、痴から解脱した心を精査するときに生じる捨。これがさらに離肉なる捨と呼ばれます。
‘‘Katamo ca, bhikkhave, sāmiso vimokkho? 　それでは比丘たちよ、有肉の解脱とは何か？
Rūpappaṭisaṃyutto vimokkho sāmiso vimokkho.　色に関連した解脱が、有肉の解脱です。
‘‘Katamo ca, bhikkhave, nirāmiso vimokkho? 　それでは比丘たちよ、離肉の解脱とは何か？
Arūpappaṭisaṃyutto vimokkho nirāmiso vimokkho.　無色に関連した解脱が、離肉の解脱です。
‘‘Katamo ca, bhikkhave, nirāmisā nirāmisataro vimokkho? 　それでは比丘たちよ、さらに離肉なる解脱とは何か？
Yo kho, bhikkhave, khīṇāsavassa bhikkhuno rāgā cittaṃ vimuttaṃ paccavekkhato, dosā cittaṃ vimuttaṃ paccavekkhato, mohā cittaṃ vimuttaṃ paccavekkhato uppajjati vimokkho, ayaṃ vuccati, bhikkhave, nirāmisā nirāmisataro vimokkho’’ti. 　比丘たちよ、漏尽の比丘が貪から解脱した心を精査するとき、瞋から解脱した心を精査するとき、痴から解脱した心を精査するときに生じる解脱。これがさらに離肉なる解脱と呼ばれます」と。