ブッダ金の葉

sn12.62『第二無聞経』Dutiyaassutavāsuttaṃ

Sāvatthiyaṃ viharati…pe…	(世尊は）サーヴァッティーに住されていた。…中略…
‘‘assutavā, bhikkhave, puthujjano imasmiṃ cātumahābhūtikasmiṃ kāyasmiṃ nibbindeyyapi virajjeyyapi vimucceyyapi.	「比丘たちよ、無聞の凡夫も、この四大種の身に対して厭い、離貪し、解脱したいこともあります。
Taṃ kissa hetu?	それはなぜか？
Dissati, bhikkhave, imassa cātumahābhūtikassa kāyassa ācayopi apacayopi ādānampi nikkhepanampi.	比丘たちよ、この四大種の身には集積、削減、取ること、捨てることが見られます。
Tasmā tatrāssutavā puthujjano nibbindeyyapi virajjeyyapi vimucceyyapi.	それゆえ、それに対して無聞の凡夫も厭い、離貪し、解脱したいこともあるのです。
Yañca kho etaṃ, bhikkhave, vuccati cittaṃ itipi, mano itipi, viññāṇaṃ itipi, tatrāssutavā puthujjano nālaṃ nibbindituṃ nālaṃ virajjituṃ nālaṃ vimuccituṃ.	しかし比丘たちよ、無聞の凡夫はこの心とも、意とも、識とも呼ばれるもの、それに対して厭離が不十分で、離貪が不十分で、解脱が不十分です。
Taṃ kissa hetu?	それはなぜか？
Dīgharattañhetaṃ, bhikkhave, assutavato puthujjanassa ajjhositaṃ mamāyitaṃ parāmaṭṭhaṃ .	なぜなら比丘たちよ、長い間、無聞の凡夫のそれは固執され、わが物とされ、執取されているからです。
‘etaṃ mama, esohamasmi, eso me attā’ti.	『これは私のもの。これは私である。これは私の我である』と。
Tasmā tatrāssutavā puthujjano nālaṃ nibbindituṃ nālaṃ virajjituṃ nālaṃ vimuccituṃ’’.	それゆえ、無聞の凡夫はそれに対して厭離が不十分で、離貪が不十分で、解脱が不十分です。
‘‘Varaṃ, bhikkhave, assutavā puthujjano imaṃ cātumahābhūtikaṃ kāyaṃ attato upagaccheyya, na tveva cittaṃ.	比丘たちよ、無聞の凡夫は『我』として心にではなく、この四大種の身に近づくほうがまだましです。
Taṃ kissa hetu?	それはなぜか？
Dissatāyaṃ, bhikkhave, cātumahābhūtiko kāyo ekampi vassaṃ tiṭṭhamāno dvepi vassāni tiṭṭhamāno tīṇipi vassāni tiṭṭhamāno cattāripi vassāni tiṭṭhamāno pañcapi vassāni tiṭṭhamāno dasapi	比丘たちよ、この四大種の身は一年もとどまり、二年もとどまり、それより三年もとどまり、四年もとどまり、五年もとどまり、十年もとどまり、
vassāni tiṭṭhamāno vīsatipi vassāni tiṭṭhamāno tiṃsampi vassāni tiṭṭhamāno cattārīsampi vassāni tiṭṭhamāno paññāsampi vassāni tiṭṭhamāno vassasatampi tiṭṭhamāno, bhiyyopi tiṭṭhamāno.	二十年もとどまり、三十年もとどまり、四十年もとどまり、五十年もとどまり、百年もとどまり、さらにとどまるように見えるからです。
Yañca kho etaṃ, bhikkhave, vuccati cittaṃ itipi, mano itipi, viññāṇaṃ itipi, taṃ rattiyā ca divasassa ca aññadeva uppajjati aññaṃ nirujjhati.	しかし比丘たちよ、この心とも、意とも、識とも呼ばれるもの。それは昼夜にまったく別に生じ、別に滅します。
‘‘Tatra, bhikkhave, sutavā ariyasāvako paṭiccasamuppādaṃyeva sādhukaṃ yoniso manasi karoti .	それについて比丘たちよ、既聞の聖弟子は、まさに縁起を充分に如理作意します。
‘iti imasmiṃ sati idaṃ hoti, imassuppādā idaṃ uppajjati;	『かくしてこれがあればそれがあり　これの生起よりそれは生じる
imasmiṃ asati idaṃ na hoti, imassa nirodhā idaṃ nirujjhatī’ti.	これがなければそれはなく　これの滅ゆえにそれは滅する』と。
Sukhavedaniyaṃ, bhikkhave, phassaṃ paṭicca uppajjati sukhavedanā.	比丘たちよ、楽を受けうる触に縁りて楽受が生じます。
Tasseva sukhavedaniyassa phassassa nirodhā yaṃ tajjaṃ vedayitaṃ sukhavedaniyaṃ phassaṃ paṭicca uppannā sukhavedanā sā nirujjhati sā vūpasammati.	まさにその楽を受けうる触の滅ゆえに、楽を受けうる触に縁りて生じ、応じて感受された楽受。それは滅し、それは寂滅します。
Dukkhavedaniyaṃ, bhikkhave, phassaṃ paṭicca uppajjati dukkhavedanā.	比丘たちよ、苦を受けうる触に縁りて苦受が生じます。
Tasseva dukkhavedaniyassa phassassa nirodhā yaṃ tajjaṃ vedayitaṃ dukkhavedaniyaṃ phassaṃ paṭicca uppannā dukkhavedanā sā nirujjhati sā vūpasammati.	まさにその苦を受けうる触の滅ゆえに、苦を受けうる触に縁りて生じ、応じて感受された苦受。それは滅し、それは寂滅します。
Adukkhamasukhavedaniyaṃ, bhikkhave, phassaṃ paṭicca uppajjati adukkhamasukhavedanā.	比丘たちよ、不苦不楽を受けうる触に縁りて不苦不楽受が生じます。
Tasseva adukkhamasukhavedaniyassa phassassa nirodhā yaṃ tajjaṃ vedayitaṃ adukkhamasukhavedaniyaṃ phassaṃ paṭicca uppannā adukkhamasukhavedanā sā nirujjhati sā vūpasammati.	まさにその不苦不楽を受けうる触の滅ゆえに、不苦不楽を受けうる触に縁りて生じ、応じて感受された不苦不楽受。それは滅し、それは寂滅します。
‘‘Seyyathāpi, bhikkhave, dvinnaṃ kaṭṭhānaṃ saṅghaṭṭanasamodhānā usmā jāyati tejo abhinibbattati.	たとえば比丘たちよ、二つの木片のこすり合わせから熱が生まれ、火が現出します。
Tesaṃyeva dvinnaṃ kaṭṭhānaṃ nānākatavinibbhogā [nānābhāvāvinikkhepā (sī. pī.) ma. ni. 3.357] yā tajjā usmā sā nirujjhati sā vūpasammati;	まさにその二つの木片の別離と分離ゆえに、応じる熱、それは滅し、それは寂滅します。
evameva kho, bhikkhave, sukhavedaniyaṃ phassaṃ paṭicca uppajjati sukhavedanā.	まさにそのように比丘たちよ、楽を受けうる触に縁りて楽受が生じます。
Tasseva sukhavedaniyassa phassassa nirodhā yaṃ tajjaṃ vedayitaṃ sukhavedaniyaṃ phassaṃ paṭicca uppannā sukhavedanā sā nirujjhati sā vūpasammati…pe…	まさにその楽を受けうる触の滅ゆえに、楽を受けうる触に縁りて生じ、応じて感受された楽受。それは滅し、それは寂滅します。　…中略…
adukkhamasukhavedaniyaṃ phassaṃ paṭicca uppajjati adukkhamasukhavedanā.	不苦不楽を受けうる触に縁りて不苦不楽受が生じます。
Tasseva adukkhamasukhavedaniyassa phassassa nirodhā yaṃ tajjaṃ vedayitaṃ adukkhamasukhavedaniyaṃ phassaṃ paṭicca uppannā adukkhamasukhavedanā sā nirujjhati sā vūpasammati.	まさにその不苦不楽を受けうる触の滅ゆえに、不苦不楽を受けうる触に縁りて生じ、応じて感受された不苦不楽受。それは滅し、それは寂滅します。
‘‘Evaṃ passaṃ, bhikkhave, sutavā ariyasāvako phassepi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati;	比丘たちよ、このように見る既聞の聖弟子は、触についても厭い、受についても厭い、想についても厭い、行についても厭い、識についても厭い、
nibbindaṃ virajjati, virāgā vimuccati, vimuttasmiṃ vimuttamiti ñāṇaṃ hoti.	厭う者は離貪し、離貪ゆえに解脱し、解脱したとき、解脱したという智があります。
‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti.	『生は尽き、梵行は修められ、なすべきはなされた。二度とこの状態はない』と了知する」と。