ブッダ金の葉

sn22.57『七点経』Sattaṭṭhānasuttaṃ

Sāvatthinidānaṃ.	サーヴァッティーにちなむ話。
‘‘Sattaṭṭhānakusalo, bhikkhave, bhikkhu tividhūpaparikkhī imasmiṃ dhammavinaye kevalī vusitavā uttamapurisoti vuccati.	「比丘たちよ、七点の善巧者であり三種類から調査する比丘は、この法と律において完全者、完成者、最上者と呼ばれます。
Kathañca, bhikkhave, bhikkhu sattaṭṭhānakusalo hoti?	それでは比丘たちよ、七点の善巧者である比丘はどのようなものか？
Idha, bhikkhave, bhikkhu rūpaṃ pajānāti, rūpasamudayaṃ pajānāti, rūpanirodhaṃ pajānāti, rūpanirodhagāminiṃ paṭipadaṃ pajānāti;	比丘たちよ、ここに比丘は色を了知し、色の集起を了知し、　色の滅を了知し、色の滅に至る行道を了知し、
rūpassa assādaṃ pajānāti, rūpassa ādīnavaṃ pajānāti, rūpassa nissaraṇaṃ pajānāti;	色の楽味を了知し、色の危難を了知し、色の出離を了知します。
vedanaṃ pajānāti …	受を了知し、　…
saññaṃ…	想を　…
saṅkhāre…	行を　…
viññāṇaṃ pajānāti, viññāṇasamudayaṃ pajānāti, viññāṇanirodhaṃ pajānāti, viññāṇanirodhagāminiṃ paṭipadaṃ pajānāti;	識を了知し、識の集起を了知し、識の滅を了知し、識の滅に至る行道を了知し、
viññāṇassa assādaṃ pajānāti, viññāṇassa ādīnavaṃ pajānāti, viññāṇassa nissaraṇaṃ pajānāti.	識の楽味を了知し、識の危難を了知し、識の出離を了知します。
‘‘Katamañca, bhikkhave, rūpaṃ?	それでは比丘たちよ、色とは何か？
Cattāro ca mahābhūtā, catunnañca mahābhūtānaṃ upādāya rūpaṃ.	四大種と、四大種の取による色。
Idaṃ vuccati, bhikkhave, rūpaṃ.	比丘たちよ、これが色と呼ばれます。
Āhārasamudayā rūpasamudayo;	食の集起ゆえに色の集起があり、
āhāranirodhā rūpanirodho.	食の滅ゆえに色の滅があります。
Ayameva ariyo aṭṭhaṅgiko maggo rūpanirodhagāminī paṭipadā, seyyathidaṃ .	この八支聖道こそ色の滅に至る行道です。すなわち、
sammādiṭṭhi…pe…	正見　…中略…
sammāsamādhi.	正定です。
‘‘Yaṃ rūpaṃ paṭicca uppajjati sukhaṃ somanassaṃ .	色に縁りて生じる楽と嬉、
ayaṃ rūpassa assādo.	これが色の楽味です。
Yaṃ rūpaṃ aniccaṃ dukkhaṃ vipariṇāmadhammaṃ .	色が無常、苦、変壊法であること、
ayaṃ rūpassa ādīnavo.	これが色の危難です。
Yo rūpasmiṃ chandarāgavinayo chandarāgappahānaṃ .	色への愛着の調伏、愛着の断、
idaṃ rūpassa nissaraṇaṃ.	これが色の出離です。
‘‘Ye hi keci, bhikkhave, samaṇā vā brāhmaṇā vā evaṃ rūpaṃ abhiññāya, evaṃ rūpasamudayaṃ abhiññāya, evaṃ rūpanirodhaṃ abhiññāya, evaṃ rūpanirodhagāminiṃ paṭipadaṃ abhiññāya;	比丘たちよ、沙門、婆羅門の誰であれ、このように色を証知し、このように色の集起を証知し、このように色の滅を証知し、このように色の滅に至る行道を証知し、
evaṃ rūpassa assādaṃ abhiññāya, evaṃ rūpassa ādīnavaṃ abhiññāya, evaṃ rūpassa nissaraṇaṃ abhiññāya rūpassa nibbidāya virāgāya nirodhāya paṭipannā, te suppaṭipannā.	このように色の楽味を証知し、このように色の危難を証知し、このように色の出離を証知し、色の厭離、離貪、滅のために行道した者たち。彼らはよき行道者です。
Ye suppaṭipannā, te imasmiṃ dhammavinaye gādhanti.	よき行道者たち、彼らはこの法と律に堅住します。
‘‘Ye ca kho keci, bhikkhave, samaṇā vā brāhmaṇā vā evaṃ rūpaṃ abhiññāya, evaṃ rūpasamudayaṃ abhiññāya, evaṃ rūpanirodhaṃ abhiññāya, evaṃ rūpanirodhagāminiṃ paṭipadaṃ abhiññāya;	そして比丘たちよ、沙門、婆羅門の誰であれ、このように色を証知し、このように色の集起を証知し、このように色の滅を証知し、このように色の滅に至る行道を証知し、
evaṃ rūpassa assādaṃ abhiññāya, evaṃ rūpassa ādīnavaṃ abhiññāya, evaṃ rūpassa nissaraṇaṃ abhiññāya rūpassa nibbidā virāgā nirodhā anupādā vimuttā, te suvimuttā.	このように色の楽味を証知し、このように色の危難を証知し、このように色の出離を証知し、色の厭離、離貪、滅ゆえに取着せず解脱した者たち。彼らはよき解脱者です。
Ye suvimuttā, te kevalino.	よき解脱者たち、彼らは完全者です。
Ye kevalino vaṭṭaṃ tesaṃ natthi paññāpanāya.	完全者たち、彼らには告知されるべき輪転はありません。
‘‘Katamā ca, bhikkhave, vedanā?	それでは比丘たちよ、受とは何か？
Chayime, bhikkhave, vedanākāyā .	比丘たちよ、これら六受の集まり、
cakkhusamphassajā vedanā…pe…	眼触発受、　…中略…
manosamphassajā vedanā.	意触発受。
Ayaṃ vuccati, bhikkhave, vedanā.	比丘たちよ、これが受と呼ばれます。
Phassasamudayā vedanāsamudayo;	触の集起ゆえに受の集起があり、
phassanirodhā vedanānirodho.	触の滅ゆえに受の滅があります。
Ayameva ariyo aṭṭhaṅgiko maggo vedanānirodhagāminī paṭipadā, seyyathidaṃ .	この八支聖道こそ受の滅に至る行道です。すなわち、
sammādiṭṭhi…pe…	正見　…中略…
sammāsamādhi.	正定です。
‘‘Yaṃ vedanaṃ paṭicca uppajjati sukhaṃ somanassaṃ .	受に縁りて生じる楽と嬉、
ayaṃ vedanāya assādo.	これが受の楽味です。
Yā vedanā aniccā dukkhā vipariṇāmadhammā .	受が無常、苦、変壊法であること、
ayaṃ vedanāya ādīnavo.	これが受の危難です。
Yo vedanāya chandarāgavinayo chandarāgappahānaṃ .	受への愛着の調伏、愛着の断、
idaṃ vedanāya nissaraṇaṃ.	これが受の出離です。
‘‘Ye hi, keci, bhikkhave, samaṇā vā brāhmaṇā vā evaṃ vedanaṃ abhiññāya, evaṃ vedanāsamudayaṃ abhiññāya, evaṃ vedanānirodhaṃ abhiññāya, evaṃ vedanānirodhagāminiṃ paṭipadaṃ abhiññāya;	比丘たちよ、沙門、婆羅門の誰であれ、このように受を証知し、このように受の集起を証知し、このように受の滅を証知し、このように受の滅に至る行道を証知し、
evaṃ vedanāya assādaṃ abhiññāya, evaṃ vedanāya ādīnavaṃ abhiññāya, evaṃ vedanāya nissaraṇaṃ abhiññāya vedanāya nibbidāya virāgāya nirodhāya paṭipannā, te suppaṭipannā.	このように受の楽味を証知し、このように受の危難を証知し、このように受の出離を証知し、受の厭離、離貪、滅のために行道した者たち。彼らはよき行道者です。
Ye suppaṭipannā, te imasmiṃ dhammavinaye gādhanti.	よき行道者たち、彼らはこの法と律に堅住します。
‘‘Ye ca kho keci, bhikkhave, samaṇā vā brāhmaṇā vā evaṃ vedanaṃ abhiññāya…pe…	比丘たちよ、沙門、婆羅門の誰であれ、このように受を証知し、　…中略…
vaṭṭaṃ tesaṃ natthi paññāpanāya.	彼らには告知されるべき輪転はありません
‘‘Katamā ca, bhikkhave, saññā?	それでは比丘たちよ、想とは何か？
Chayime, bhikkhave, saññākāyā .	比丘たちよ、これら六想の集まり、
rūpasaññā, saddasaññā, gandhasaññā, rasasaññā, phoṭṭhabbasaññā, dhammasaññā.	色想、声想、香想、味想、接触想、法想。
Ayaṃ vuccati, bhikkhave, saññā.	比丘たちよ、これが想と呼ばれます。
Phassasamudayā saññāsamudayo;	触の集起ゆえに想の集起があり、
phassanirodhā saññānirodho.	触の滅ゆえに想の滅があります。
Ayameva ariyo aṭṭhaṅgiko maggo saññānirodhagāminī paṭipadā, seyyathidaṃ .	この八支聖道こそ想の滅に至る行道です。すなわち、
sammādiṭṭhi…pe…	正見　…中略…
sammāsamādhi…pe…	正定　…中略…
vaṭṭaṃ tesaṃ natthi paññāpanāya.	彼らには告知されるべき輪転はありません
‘‘Katame ca, bhikkhave, saṅkhārā?	それでは比丘たちよ、行とは何か？
Chayime, bhikkhave, cetanākāyā .	比丘たちよ、これら六思の集まり、
rūpasañcetanā, saddasañcetanā, gandhasañcetanā, rasasañcetanā, phoṭṭhabbasañcetanā, dhammasañcetanā.	色思、声思、香思、味思、接触思、法思。
Ime vuccanti bhikkhave, saṅkhārā.	比丘たちよ、これらが行と呼ばれます。
Phassasamudayā saṅkhārasamudayo;	触の集起ゆえに行の集起があり、
phassanirodhā saṅkhāranirodho.	触の滅ゆえに行の滅があります。
Ayameva ariyo aṭṭhaṅgiko maggo saṅkhāranirodhagāminī paṭipadā, seyyathidaṃ .	この八支聖道こそ行の滅に至る行道です。すなわち、
sammādiṭṭhi…pe…	正見　…中略…
sammāsamādhi.	正定です。
‘‘Yaṃ saṅkhāre paṭicca uppajjati sukhaṃ somanassaṃ .	行に縁りて生じる楽と嬉、
ayaṃ saṅkhārānaṃ assādo.	これが行の楽味です。
Ye saṅkhārā aniccā dukkhā vipariṇāmadhammā .	行が無常、苦、変壊法であること、
ayaṃ saṅkhārānaṃ ādīnavo.	これが行の危難です。
Yo saṅkhāresu chandarāgavinayo chandarāgappahānaṃ .	行への愛着の調伏、愛着の断、
idaṃ saṅkhārānaṃ nissaraṇaṃ.	これが行の出離です。
‘‘Ye hi keci, bhikkhave, samaṇā vā brāhmaṇā vā evaṃ saṅkhāre abhiññāya, evaṃ saṅkhārasamudayaṃ abhiññāya, evaṃ saṅkhāranirodhaṃ abhiññāya, evaṃ saṅkhāranirodhagāminiṃ paṭipadaṃ abhiññāya…pe…	比丘たちよ、沙門、婆羅門の誰であれ、このように行を証知し、このように行の集起を証知し、このように行の滅を証知し、このように行の滅に至る行道を証知し、　…中略…
saṅkhārānaṃ nibbidāya virāgāya nirodhāya paṭipannā te suppaṭipannā.	行の厭離、離貪、滅のために行道した者たち。彼らはよき行道者です。
Ye suppaṭipannā, te imasmiṃ dhammavinaye gādhanti…pe…	よき行道者たち、彼らはこの法と律に堅住します。　…中略…
vaṭṭaṃ tesaṃ natthi paññāpanāya.	彼らには告知されるべき輪転はありません
‘‘Katamañca, bhikkhave, viññāṇaṃ?	それでは比丘たちよ、識とは何か？
Chayime, bhikkhave, viññāṇakāyā .	比丘たちよ、これら六識の集まり、
cakkhuviññāṇaṃ, sotaviññāṇaṃ, ghānaviññāṇaṃ, jivhāviññāṇaṃ, kāyaviññāṇaṃ, manoviññāṇaṃ.	眼識、耳識、鼻識、舌識、身識、意識。
Idaṃ vuccati, bhikkhave, viññāṇaṃ.	比丘たちよ、これが識と呼ばれます。
Nāmarūpasamudayā viññāṇasamudayo;	名色の集起ゆえに識の集起があり、
nāmarūpanirodhā viññāṇanirodho.	名色の滅ゆえに識の滅があります。
Ayameva ariyo aṭṭhaṅgiko maggo viññāṇanirodhagāminī paṭipadā, seyyathidaṃ .	この八支聖道こそ識の滅に至る行道です。すなわち、
sammādiṭṭhi…pe…	正見　…中略…
sammāsamādhi.	正定です。
‘‘Yaṃ viññāṇaṃ paṭicca uppajjati sukhaṃ somanassaṃ .	識に縁りて生じる楽と嬉、
ayaṃ viññāṇassa assādo.	これが識の楽味です。
Yaṃ viññāṇaṃ aniccaṃ dukkhaṃ vipariṇāmadhammaṃ .	識が無常、苦、変壊法であること、
ayaṃ viññāṇassa ādīnavo.	これが識の危難です。
Yo viññāṇasmiṃ chandarāgavinayo chandarāgappahānaṃ .	識への愛着の調伏、愛着の断、
idaṃ viññāṇassa nissaraṇaṃ.	これが識の出離です。
‘‘Ye hi keci, bhikkhave, samaṇā vā brāhmaṇā vā evaṃ viññāṇaṃ abhiññāya, evaṃ viññāṇasamudayaṃ abhiññāya, evaṃ viññāṇanirodhaṃ abhiññāya, evaṃ viññāṇanirodhagāminiṃ paṭipadaṃ abhiññāya;	比丘たちよ、沙門、婆羅門の誰であれ、このように識を証知し、このように識の集起を証知し、このように識の滅を証知し、このように識の滅に至る行道を証知し、
evaṃ viññāṇassa assādaṃ abhiññāya, evaṃ viññāṇassa ādīnavaṃ abhiññāya, evaṃ viññāṇassa nissaraṇaṃ abhiññāya viññāṇassa nibbidāya virāgāya nirodhāya paṭipannā, te suppaṭipannā.	このように識の楽味を証知し、このように識の危難を証知し、このように識の出離を証知し、識の厭離、離貪、滅のために行道した者たち。彼らはよき行道者です。
Ye suppaṭipannā, te imasmiṃ dhammavinaye gādhanti.	よき行道者たち、彼らはこの法と律に堅住します。
‘‘Ye ca kho keci, bhikkhave, samaṇā vā brāhmaṇā vā evaṃ viññāṇaṃ abhiññāya, evaṃ viññāṇasamudayaṃ abhiññāya, evaṃ viññāṇanirodhaṃ abhiññāya, evaṃ viññāṇanirodhagāminiṃ paṭipadaṃ abhiññāya;	そして比丘たちよ、沙門、婆羅門の誰であれ、このように識を証知し、このように識の集起を証知し、このように識の滅を証知し、このように識の滅に至る行道を証知し、
evaṃ viññāṇassa assādaṃ abhiññāya, evaṃ viññāṇassa ādīnavaṃ abhiññāya, evaṃ viññāṇassa nissaraṇaṃ abhiññāya viññāṇassa nibbidā virāgā nirodhā anupādā vimuttā, te suvimuttā.	このように識の楽味を証知し、このように識の危難を証知し、このように識の出離を証知し、識の厭離、離貪、滅ゆえに取着せず解脱した者たち。彼らはよき解脱者です。
Ye suvimuttā, te kevalino.	よき解脱者たち、彼らは完全者です。
Ye kevalino vaṭṭaṃ tesaṃ natthi paññāpanāya.	完全者たち、彼らには告知されるべき輪転はありません。
Evaṃ kho, bhikkhave, bhikkhu sattaṭṭhānakusalo hoti.	比丘たちよ、七点の善巧者である比丘はこのようです。
‘‘Kathañca, bhikkhave, bhikkhu tividhūpaparikkhī hoti?	それでは比丘たちよ、三種類から調査する比丘はどのようなものか？
Idha, bhikkhave, bhikkhu dhātuso upaparikkhati, āyatanaso upaparikkhati, paṭiccasamuppādaso upaparikkhati.	比丘たちよ、ここに比丘は界から調査し、処から調査し、縁起から調査します。
Evaṃ kho, bhikkhave, bhikkhu tividhūpaparikkhī hoti.	比丘たちよ、三種類から調査する比丘はこのようです。
Sattaṭṭhānakusalo, bhikkhave, bhikkhu tividhūpaparikkhī, imasmiṃ dhammavinaye kevalī vusitavā ‘uttamapuriso’ti vuccatī’’ti.	比丘たちよ、七点の善巧者であり三種類から調査する比丘は、この法と律において完全者、完成者、最上者と呼ばれます」と。