ブッダ金の葉

sn12.33『智事経』Ñāṇavatthusuttaṃ

Sāvatthiyaṃ…pe…	サーヴァッティーにて。　…中略…
‘‘catucattārīsaṃ vo, bhikkhave, ñāṇavatthūni desessāmi, taṃ suṇātha, sādhukaṃ manasi karotha;	比丘たちよ、私は君たちへ四十四智事を示します。それを聞き、よく作意しなさい。
bhāsissāmī’’ti.	私は語ろう」と。
‘‘Evaṃ, bhante’’ti kho te bhikkhū bhagavato paccassosuṃ.	「尊者よ、そのように」と、比丘たちは世尊に応じた。
Bhagavā etadavoca .	世尊はこう言われた。
‘‘Katamāni [katamāni ca (syā. kaṃ. pī. ka.)], bhikkhave, catucattārīsaṃ ñāṇavatthūni?	「それでは比丘たちよ、四十四智事とは何か？
Jarāmaraṇe ñāṇaṃ, jarāmaraṇasamudaye ñāṇaṃ, jarāmaraṇanirodhe ñāṇaṃ, jarāmaraṇanirodhagāminiyā paṭipadāya ñāṇaṃ;	老死における智、老死の集起における智、老死の滅における智、老死の滅に至る行道における智、
jātiyā ñāṇaṃ, jātisamudaye ñāṇaṃ, jātinirodhe ñāṇaṃ, jātinirodhagāminiyā paṭipadāya ñāṇaṃ;	生における智、生の集起における智、生の滅における智、生の滅に至る行道における智、
bhave ñāṇaṃ, bhavasamudaye ñāṇaṃ, bhavanirodhe ñāṇaṃ, bhavanirodhagāminiyā paṭipadāya ñāṇaṃ;	有における智、有の集起における智、有の滅における智、有の滅に至る行道における智、
upādāne ñāṇaṃ, upādānasamudaye ñāṇaṃ, upādānanirodhe ñāṇaṃ, upādānanirodhagāminiyā paṭipadāya ñāṇaṃ;	取における智、取の集起における智、取の滅における智、取の滅に至る行道における智、
taṇhāya ñāṇaṃ, taṇhāsamudaye ñāṇaṃ, taṇhānirodhe ñāṇaṃ, taṇhānirodhagāminiyā paṭipadāya ñāṇaṃ;	渇愛における智、渇愛の集起における智、渇愛の滅における智、渇愛の滅に至る行道における智、
vedanāya ñāṇaṃ, vedanāsamudaye ñāṇaṃ, vedanānirodhe ñāṇaṃ, vedanānirodhagāminiyā paṭipadāya ñāṇaṃ;	受における智、受の集起における智、受の滅における智、受の滅に至る行道における智、
phasse ñāṇaṃ…pe…	触における智、　…中略…
saḷāyatane ñāṇaṃ…	六処における智、　…中略…
nāmarūpe ñāṇaṃ…	名色における智、　…中略…
viññāṇe ñāṇaṃ…	識における智、　…中略…
saṅkhāresu ñāṇaṃ, saṅkhārasamudaye ñāṇaṃ, saṅkhāranirodhe ñāṇaṃ, saṅkhāranirodhagāminiyā paṭipadāya ñāṇaṃ.	行における智、行の集起における智、行の滅における智、行の滅に至る行道における智。
Imāni vuccanti, bhikkhave, catucattārīsaṃ ñāṇavatthūni.	比丘たちよ、これらが四十四智事と呼ばれる。
‘‘Katamañca, bhikkhave, jarāmaraṇaṃ?	それでは比丘たちよ、老死とは何か？
Yā tesaṃ tesaṃ sattānaṃ tamhi tamhi sattanikāye jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko,	それぞれの生類の、それぞれの種別における老い、老衰、歯の欠け、白髪、しわが寄ること、余命の減少、諸根の過熟。
ayaṃ vuccati jarā.	これが老と呼ばれる。
Yā tesaṃ tesaṃ sattānaṃ tamhā tamhā sattanikāyā cuti cavanatā bhedo antaradhānaṃ maccu maraṇaṃ kālakiriyā khandhānaṃ bhedo kaḷevarassa nikkhepo.	それぞれの生類の、それぞれの種別における没、死没、崩壊、消失、死王、死、最期、諸蘊の崩壊、肉体の投棄。
Idaṃ vuccati maraṇaṃ.	これが死と呼ばれる。
Iti ayañca jarā, idañca maraṇaṃ;	かくしてこれが老で、これが死である。
idaṃ vuccati, bhikkhave, jarāmaraṇaṃ.	比丘たちよ、これが老死と呼ばれる。
‘‘Jātisamudayā jarāmaraṇasamudayo;	生の集起ゆえに老死の集起があり、
jātinirodhā jarāmaraṇanirodho;	生の滅ゆえに老死の滅がある。
ayameva ariyo aṭṭhaṅgiko maggo jarāmaraṇanirodhagāminī paṭipadā, seyyathidaṃ .	この八支聖道こそ老死の滅に至る行道である。すなわち、
sammādiṭṭhi…pe…	正見　…中略…
sammāsamādhi.	正定である。
‘‘Yato kho, bhikkhave, ariyasāvako evaṃ jarāmaraṇaṃ pajānāti, evaṃ jarāmaraṇasamudayaṃ pajānāti, evaṃ jarāmaraṇanirodhaṃ pajānāti, evaṃ jarāmaraṇanirodhagāminiṃ paṭipadaṃ pajānāti, idamassa dhamme ñāṇaṃ.	比丘たちよ、聖弟子はこのように老死を了知し、このように老死の集起を了知し、このように老死の滅を了知し、このように老死の滅に至る行道を了知するゆえ、彼には法におけるこの智がある。
So iminā dhammena diṭṭhena viditena akālikena pattena pariyogāḷhena atītānāgatena yaṃ neti.	彼は、現に見られ、知られ、即時に達し、深入され、過去と未来にわたるこの法をもって、このことを導く ——
‘‘Ye kho keci atītamaddhānaṃ samaṇā vā brāhmaṇā vā jarāmaraṇaṃ abbhaññaṃsu, jarāmaraṇasamudayaṃ abbhaññaṃsu, jarāmaraṇanirodhaṃ abbhaññaṃsu, jarāmaraṇanirodhagāminiṃ paṭipadaṃ abbhaññaṃsu, sabbe te evameva abbhaññaṃsu, seyyathāpāhaṃ etarahi.	『沙門、婆羅門の誰であれ、過去の時に老死を証知し、老死の集起を証知し、老死の滅を証知し、老死の滅に至る行道を証知した者たち。彼らも皆、まさに現在の私のように証知した。』
‘‘Yepi hi keci anāgatamaddhānaṃ samaṇā vā brāhmaṇā vā jarāmaraṇaṃ abhijānissanti, jarāmaraṇasamudayaṃ abhijānissanti,　jarāmaraṇanirodhaṃ abhijānissanti, jarāmaraṇanirodhagāminiṃ paṭipadaṃ abhijānissanti, sabbe te evameva abhijānissanti, seyyathāpāhaṃ etarahīti.	『沙門、婆羅門の誰であれ、未来の時に老死を証知し、老死の集起を証知し、老死の滅を証知し、老死の滅に至る行道を証知するであろう者たち。彼らも皆、まさに現在の私のように証知するだろう』と。
Idamassa anvaye ñāṇaṃ.	彼には類推におけるこの智がある。
‘‘Yato kho, bhikkhave, ariyasāvakassa imāni dve ñāṇāni parisuddhāni honti pariyodātāni – dhamme ñāṇañca anvaye ñāṇañca.	比丘たちよ、聖弟子にはこの二つの智、『法における智』と『類推における智』が遍浄、清白になるゆえ、
Ayaṃ vuccati, bhikkhave, ariyasāvako diṭṭhisampanno itipi, dassanasampanno itipi, āgato imaṃ saddhammaṃ itipi, passati imaṃ saddhammaṃ itipi,	比丘たちよ、この聖弟子は『正見を具えた』とも、『見を具えた』とも、『この正法に至った』とも、『この正法を見る』とも、
sekkhena ñāṇena samannāgato itipi, sekkhāya vijjāya samannāgato itipi, dhammasotaṃ samāpanno itipi, ariyo nibbedhikapañño itipi, amatadvāraṃ āhacca tiṭṭhati itipīti.	『有学の智を備えた』とも、『有学の明を備えた』とも、『法の流れに到達した』とも、『貫通の智慧ある聖者』とも、『不死の門を打って立つ』とも呼ばれる。
‘‘Katamā ca, bhikkhave, jāti…pe…	それでは比丘たちよ、生とは何か？　…中略…
katamo ca, bhikkhave, bhavo…	それでは比丘たちよ、有とは何か？…
katamañca, bhikkhave, upādānaṃ…	それでは比丘たちよ、取とは何か？…
katamā ca, bhikkhave taṇhā…	それでは比丘たちよ、渇愛とは何か？…
katamā ca, bhikkhave, vedanā…	それでは比丘たちよ、受とは何か？…
katamo ca, bhikkhave, phasso…	それでは比丘たちよ、触とは何か？…
katamañca, bhikkhave, saḷāyatanaṃ…	それでは比丘たちよ、六処とは何か？…
katamañca, bhikkhave, nāmarūpaṃ …	それでは比丘たちよ、名色とは何か？…
katamañca, bhikkhave, viññāṇaṃ…	それでは比丘たちよ、識とは何か？…
katame ca, bhikkhave, saṅkhārā?	それでは比丘たちよ、行とは何か？
Tayome, bhikkhave, saṅkhārā .	比丘たちよ、これら三種の行、
kāyasaṅkhāro, vacīsaṅkhāro, cittasaṅkhāroti.	身行、語行、心行。
Ime vuccanti, bhikkhave, saṅkhārā.	比丘たちよ、これらが行と呼ばれる。
‘‘Avijjāsamudayā saṅkhārasamudayo;	無明の集起ゆえに行の集起があり、
avijjānirodhā saṅkhāranirodho;	無明の滅ゆえに行の滅がある。
ayameva ariyo aṭṭhaṅgiko maggo saṅkhāranirodhagāminī paṭipadā, seyyathidaṃ .	この八支聖道こそ行の滅に至る行道である。すなわち、
sammādiṭṭhi…pe…	正見　…中略…
sammāsamādhi.	正定である。
‘‘Yato kho, bhikkhave, ariyasāvako evaṃ saṅkhāre pajānāti, evaṃ saṅkhārasamudayaṃ pajānāti, evaṃ saṅkhāranirodhaṃ pajānāti, evaṃ saṅkhāranirodhagāminiṃ paṭipadaṃ pajānāti, idamassa dhamme ñāṇaṃ.	比丘たちよ、聖弟子はこのように行を了知し、このように行の集起を了知し、このように行の滅を了知し、このように行の滅に至る行道を了知するゆえ、彼には法におけるこの智がある。
So iminā dhammena diṭṭhena viditena akālikena pattena pariyogāḷhena atītānāgatena yaṃ neti.	彼は、現に見られ、知られ、即時に達し、深入され、過去と未来にわたるこの法をもって、このことを導く ——
‘‘Ye kho keci atītamaddhānaṃ samaṇā vā brāhmaṇā vā saṅkhāre abbhaññaṃsu, saṅkhārasamudayaṃ abbhaññaṃsu, saṅkhāranirodhaṃ abbhaññaṃsu, saṅkhāranirodhagāminiṃ paṭipadaṃ abbhaññaṃsu, sabbe te evameva abbhaññaṃsu, seyyathāpāhaṃ etarahi.	『沙門、婆羅門の誰であれ、過去の時に行を証知し、行の集起を証知し、行の滅を証知し、行の滅に至る行道を証知した者たち。彼らも皆、まさに現在の私のように証知した。
‘‘Yepi hi keci anāgatamaddhānaṃ samaṇā vā brāhmaṇā vā saṅkhāre abhijānissanti, saṅkhārasamudayaṃ abhijānissanti, saṅkhāranirodhaṃ abhijānissanti, saṅkhāranirodhagāminiṃ paṭipadaṃ abhijānissanti, sabbe te evameva abhijānissanti, seyyathāpāhaṃ etarahi.	沙門、婆羅門の誰であれ、未来の時に行を証知し、行の集起を証知し、行の滅を証知し、行の滅に至る行道を証知するであろう者たち。彼らも皆、まさに現在の私のように証知するだろう』と。
Idamassa anvaye ñāṇaṃ.	彼には類推におけるこの智がある。
‘‘Yato kho, bhikkhave, ariyasāvakassa imāni dve ñāṇāni parisuddhāni honti pariyodātāni –　dhamme ñāṇañca anvaye ñāṇañca.	比丘たちよ、聖弟子にはこの二つの智、『法における智』と『類推における智』が遍浄、清白になるゆえ、
Ayaṃ vuccati, bhikkhave, ariyasāvako diṭṭhisampanno itipi, dassanasampanno itipi, āgato imaṃ saddhammaṃ itipi, passati imaṃ saddhammaṃ itipi,	比丘たちよ、この聖弟子は『正見を具えた』とも、『見を具えた』とも、『この正法に至った』とも、『この正法を見る』とも、
sekkhena ñāṇena samannāgato itipi, sekkhāya vijjāya samannāgato itipi, dhammasotaṃ samāpanno itipi, ariyo nibbedhikapañño itipi, amatadvāraṃ āhacca tiṭṭhati itipī’’ti.	『有学の智を備えた』とも、『有学の明を備えた』とも、『法の流れに到達した』とも、『貫通の智慧ある聖者』とも、『不死の門を打って立つ』とも呼ばれる」と。