ブッダ金の葉

sn48.10『第二分別経』Dutiyavibhaṅgasuttaṃ

‘‘Pañcimāni, bhikkhave, indriyāni.	「比丘たちよ、これら五つの根があります。
Katamāni pañca?	五とは何か。
Saddhindriyaṃ…pe…	信根、精進根、念根、定根、
paññindriyaṃ.	慧根です。
Katamañca, bhikkhave, saddhindriyaṃ?	では比丘たちよ、信根とは何か？
Idha, bhikkhave, ariyasāvako saddho hoti, saddahati tathāgatassa bodhiṃ .	比丘たちよ、ここに聖弟子は信ある者であり、如来の覚りを信じます。
‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti .	『かの世尊は阿羅漢、正等覚者、明行足、善逝、世間解、無上の調御丈夫、神々と人間の師、仏陀、世尊である』と。
idaṃ vuccati, bhikkhave, saddhindriyaṃ.	比丘たちよ、これが信根と呼ばれます。
‘‘Katamañca, bhikkhave, vīriyindriyaṃ?	では比丘たちよ、精進根とは何か？
Idha, bhikkhave, ariyasāvako āraddhavīriyo viharati akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu.	比丘たちよ、ここに聖弟子は、不善諸法の断のため、諸善法の具足のために精進に励み住します。諸善法において根気よく堅固に奮闘し、責務を投げ出しません。
So anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati;	彼は未生の悪しき不善諸法の不生起のために、意欲を起こし、努力し、精進に励み、心を込め、勤めます。
uppannānaṃ pāpakānaṃ akusalānaṃ dhammānaṃ pahānāya chandaṃ janeti vāyamati vīriyaṃ ārabhati cittaṃ paggaṇhāti padahati;	既生の悪しき不善諸法の断のために、意欲を起こし、努力し、精進に励み、心を込め、勤めます。
anuppannānaṃ kusalānaṃ dhammānaṃ uppādāya chandaṃ janeti vāyamati vīriyaṃ ārabhati cittaṃ paggaṇhāti padahati;	未生の諸善法の生起のために、意欲を起こし、努力し、精進に励み、心を込め、勤めます。
uppannānaṃ kusalānaṃ dhammānaṃ ṭhitiyā [samāpattiyā (syā. kaṃ. ka.)] asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati .	既生の諸善法の存続、無忘失、増大、繁栄、修養、成満のために、意欲を起こし、努力し、精進に励み、心を込め、勤めます。
idaṃ vuccati, bhikkhave, vīriyindriyaṃ.	比丘たちよ、これが精進根と呼ばれます。
‘‘Katamañca, bhikkhave, satindriyaṃ?	では比丘たちよ、念根とは何か？
Idha, bhikkhave, ariyasāvako satimā hoti paramena satinepakkena samannāgato, cirakatampi cirabhāsitampi saritā anussaritā.	比丘たちよ、ここに聖弟子は、最上の明晰な念を備えた具念者です。ずっと前に行われたことも、ずっと前に語られたことも、憶い出し、追憶されます。
So kāye kāyānupassī viharati ātāpī sampajāno satimā, vineyya loke abhijjhādomanassaṃ;	彼は、身において身を随観し熱意と正知と念ある者として住します。世間における羨望と憂を調伏しつつ。
vedanāsu…pe…	諸受において　…中略…
citte…pe…	心において　…中略…
dhammesu dhammānupassī viharati ātāpī sampajāno satimā, vineyya loke abhijjhādomanassaṃ .	諸法において法を随観し熱意と正知と念ある者として住します。世間における羨望と憂を調伏しつつ。
idaṃ vuccati, bhikkhave, satindriyaṃ.	比丘たちよ、これが念根と呼ばれます。
‘‘Katamañca, bhikkhave, samādhindriyaṃ?	では比丘たちよ、定根とは何か？
Idha, bhikkhave, ariyasāvako vossaggārammaṇaṃ karitvā labhati samādhiṃ, labhati cittassa ekaggataṃ.	比丘たちよ、ここに聖弟子は棄捨を所縁として、定を得、心の一境性を得ます。
So vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati.	彼は諸欲から遠離して、不善諸法から遠離して、尋あり伺ある、遠離より生じた喜悦と楽ある初禅を成就して住します。
Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati.	尋と伺の寂滅ゆえに、内に明浄ある、心の統一した、尋なき伺なき、定より生じた喜悦と楽ある第二禅を成就して住します。
Pītiyā ca virāgā upekkhako ca viharati sato ca sampajāno sukhañca kāyena paṭisaṃvedeti yaṃ taṃ ariyā ācikkhanti ‘upekkhako satimā sukhavihārī’ti tatiyaṃ jhānaṃ upasampajja viharati.	喜悦の退色ゆえに、捨ある者として住し、念じ正知しつつ身による楽を体験し、聖者たちがそれを『捨と念ある楽住者』と告げる第三禅を成就して住します。
Sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati .	楽の断ゆえに苦の断ゆえに、以前の嬉、憂の消滅ゆえに、不苦不楽なる、捨と念により遍浄な第四禅を成就して住します。
idaṃ vuccati, bhikkhave, samādhindriyaṃ.	比丘たちよ、これが定根と呼ばれます。
‘‘Katamañca, bhikkhave, paññindriyaṃ?	それでは比丘たちよ、慧根とは何か？
Idha, bhikkhave, ariyasāvako paññavā hoti udayatthagāminiyā paññāya samannāgato ariyāya nibbedhikāya, sammā dukkhakkhayagāminiyā.	比丘たちよ、ここに聖弟子は智慧ある者であり、生起と消滅に向かう、聖なる貫通の、正しく苦の尽滅に向かう智慧を備えています。
So ‘idaṃ dukkha’nti yathābhūtaṃ pajānāti, ‘ayaṃ dukkhasamudayo’ti yathābhūtaṃ pajānāti, ‘ayaṃ dukkhanirodho’ti yathābhūtaṃ pajānāti, ‘ayaṃ dukkhanirodhagāminī paṭipadā’ti yathābhūtaṃ pajānāti .	彼は『これは苦である』と如実に証知し、『これは苦の集起である』と如実に証知し、『これは苦の滅である』と如実に証知し、『これは苦の滅に至る行道である』と如実に証知します。
idaṃ vuccati, bhikkhave, paññindriyaṃ.	比丘たちよ、これが慧根と呼ばれます。
Imāni kho, bhikkhave, pañcindriyānī’’ti.	比丘たちよ、これらが五根です」と。